அமெரிக்கக் கடற்படையின் ‘யுஎஸ்எஸ் திரிப்போலி’ (USS Tripoli) போர்க்கப்பலில் இருந்து ஹெலிகாப்டர் மூலம் சென்ற அமெரிக்க கடற்படை வீரர்கள் (Marines), ஞாயிற்றுக்கிழமை அன்று ‘டூஸ்கா’ (Touska) கப்பலில் கயிறு மூலம் இறங்கியதாக அமெரிக்க மத்திய கட்டளைத் தலைமையகம் (Centcom) தனது எக்ஸ் (X) தளத்தில் தெரிவித்துள்ளது.
ஹெலிகாப்டரில் வீரர்கள் இருக்கும் வீடியோவுடன் வெளியிடப்பட்டுள்ள இந்தத் தகவலில், அமெரிக்கப் படைகளின் ஆறு மணிநேரத் தொடர் எச்சரிக்கைகளை ‘டூஸ்கா’ கப்பல் மதிக்கத் தவறியதைத் தொடர்ந்து, ‘யுஎஸ்எஸ் ஸ்ப்ரூவன்ஸ்’ (USS Spruance) கப்பல் அதன் இயந்திரச் செயல்பாட்டை (propulsion) முடக்கியதாகக் கூறப்பட்டுள்ளது.
முன்னதாக, இதே சம்பவம் குறித்துப் பதிவிட்டிருந்த ஜனாதிபதி ட்ரம்ப், “எங்கள் கடற்படைக் கப்பல் அவர்களின் இயந்திர அறையில் (engineroom) துளையிட்டு, அவர்களை இருந்த இடத்திலேயே முடக்கியது” என விவரித்திருந்தார்.
இந்தக் கப்பல் மறிப்பு குறித்து ட்ரம்ப் தனது ‘ட்ரூத் சோஷியல்’ (Truth Social) தளத்தில் முதலில் அறிவித்திருந்த நிலையில், இதற்குத் தகுந்த பதிலடி கொடுக்கப்படும் என்று ஈரானின் உயர்மட்ட இராணுவத் தலைமையகமான ‘காதம் அல்-அன்பியா’ (Khatam al-Anbiya) உறுதிபடத் தெரிவித்துள்ளது.
