முன்னாள் ஜனாதிபதி மகிந்த ராஜபக்சவின் மகன் யோசித ராஜபக்ச ஐக்கிய இராச்சியத்தில் இளம் கடற்படை வீரர்களுக்கான பயிற்சியை பெறுவதற்கான நிதியை £24,536 ஒதுக்குமாறு முன்னாள் கடற்படை தளபதி வசந்த கரனாகொட பாதுகாப்பு அமைச்சின் செயலாளரை கேட்டுக்கொண்டார் என்ற தகவல் நீதிமன்றத்தில் வெளியாகியுள்ளது.
2014 மே 19ம் திகதி பாதுகாப்பு அமைச்சின் செயலாளருக்கு எழுதிய கடிதத்திலேயே வசந்த கரனாகொட இந்த வேண்டுகோளை விடுத்துள்ளார்.
இந்த பயிற்சி திட்டத்திற்காக செலவிடப்பட்டது, என்ற தகவலும் நீதிமன்றத்தில் வெளியாகியுள்ளது.
யோசித ராஜபக்ச மீதான சட்டவிரோ பணபரிமாற்ற வழக்கு விசாரணைக்காக எடுத்துக்கொள்ளப்பட்டவேளை முன்னாள் கடற்படை தளபதி அட்மிரல் டிரவிஸ் சின்னையா சார்பில் மேல்நீதிமன்றத்தில் ஆஜரான கடற்படை பிரதிநிதியொருவர் இதனை தெரிவித்துள்ளார்.
வெளிநாடுகளில் பயிற்சிகளை பெறும் கடற்படை வீரர்களுக்காக கட்டணங்கள் வெளிநாட்டு நாணயங்களிலேயே செலுத்தப்படுவது வழமை, என அவர் தெரிவித்துள்ளார்
யோசிதவின் மாதாந்த சம்பளம் குறித்த விபரங்களும் வெளியாகியுள்ளன.
