திலீபன் சிலை விவகாரம் – நாடாளுமன்றத்தில் அமைச்சர் தெரிவித்துள்ளது என்ன?

தியாகதீபம் தீலீபின் உருவச்சிலையை நிறுவியது தொடர்பில் அரசியல்வாதிகள் உட்பட 14 பேரை பொலிஸார் விசாரணைக்கு உட்படுத்தி வருகின்றனர் என பொதுமக்கள் பாதுகாப்பு அமைச்சர் ஆனந்த விஜயபால நாடாளுமன்றத்தில் தெரிவித்துள்ளார்.
நாடாளுமன்றத்தில் உரையாற்றுகையில் இதனை தெரிவித்துள்ள அவர் மேலும் குறிப்பிட்டுள்ளதாவது
திலீபனின் சிலைக்கான நிதியை வழங்கியது,அதனை உருவாக்கியது, ஊக்குவித்தது மற்றும் நிகழ்வுகளை ஏற்பாடு செய்தது தொடர்பில் பொலிஸார் வாக்குமூலம் பதிவு செய்துள்ளனர்.
பொலிஸார் தமது விசாரணைகளின் மூலம் திலீபன் விடுதலைப்புலிகள் இயக்க உறுப்பினர் என்பதை உறுதி செய்துள்ளனர்.
சட்டமா அதிபரின் ஆலோசனையின் அடிப்படையில் சட்டநடவடிக்கை எடுக்கப்படும் என அமைச்சர் தெரிவித்துள்ளார்
நாடாளுமன்ற உறுப்பினர் அர்ச்சுனா இராமநாதன் எழுப்பிய கேள்விக்கு பதிலளிக்கையில் அவர் இதனை தெரிவித்துள்ளார்.