பயங்கரவாத எதிர்ப்புச் சட்டமானது சிவில் வெளிக்கான சுதந்திரத்தைக் கட்டுப்படுத்தும் அல்லது நியாயமான எதிர்ப்புக் குரல்களைக் குற்றமயமாக்கும் ஒரு கருவியாக மாறக்கூடாதுஎன உலக சித்திரவதைக்கு எதிரான அமைப்பு தெரிவித்துள்ளது
அந்த அமைப்பு இலங்கை அரசாங்கத்தின் அரசினை பயங்கரவாதத்திலிருந்து பாதுகாக்கும் சட்டமூலம் குறித்து மேலும் தெரிவித்துள்ளதாவது
பயங்கரவாத எதிர்ப்புச் சட்டம் சர்வதேச மனித உரிமைகள் தரநிலைகளுக்கு அமைவாக அமைய வேண்டும்.
உலக சித்திரவதைக்கு எதிரான அமைப்பு (The World Organisation Against Torture (OMCT) இலங்கையின் முன்மொழியப்பட்ட ‘பயங்கரவாதத்திலிருந்து அரசினைப் பாதுகாக்கும் சட்டமூலத்தை சர்வதேச மனித உரிமைகள் சட்டத்தின் கீழ் நாட்டிற்குள்ள பொறுப்புகள்
குறித்து ஆய்வு செய்து ஒரு சட்ட ஆய்வறிக்கையை வெளியிட்டுள்ளது.
2026 அக்டோபர் 6 அன்று நாடாளுமன்றத்தில் சமர்ப்பிக்கப்பட்ட இந்த சட்டமூலம்குற்றச்சாட்டுகள் இன்றி நீண்டகாலமாகத் தடுத்து வைத்தல் சித்திரவதை மற்றும் பிற கொடுமைகளை எளிதாக்குவதாக ஐ.நா மனித உரிமைகள் அமைப்புகளால் தொடர்ச்சியாக விமர்சிக்கப்பட்ட ‘பயங்கரவாதத் தடைச் சட்டத்திற்கு’ பதிலாகக் கொண்டுவர உத்தேசிக்கப்பட்டுள்ளது. பழைய பயங்கரவாதத் தடைச் சட்டத்தை நீக்குவதற்கான முன்மொழிவை உலக சித்திரவதைக்கு எதிரான அமைப்பு வரவேற்பதுடன் புதிய சட்டமூலத்தில் உள்ள பல பாதுகாப்புகளையும் அங்கீகரிக்கும் அதேவேளையில் குறிப்பிடத்தக்க கவலைகள் இன்னும் நீடிக்கின்றன.
இதில் உள்ள பயங்கரவாதம் என்பதற்கான பரந்த வரைவிலக்கணம் மற்றும் தளர்வாக வடிவமைக்கப்பட்டுள்ள குற்றப்பிரிவுகள் ஆகியவை வன்முறையற்ற போராட்டங்கள் வேலைநிறுத்தங்கள் இணையவழிச் செயல்பாடுகள் மற்றும் நியாயமான கருத்து வெளிப்பாடுகளை இலக்கு வைக்கப் பயன்படுத்தப்படலாம்.
நபர்களைக் கைது செய்யவும் தடுத்து வைக்கவும் அமைப்புகளைக் கட்டுப்படுத்தவும் மற்றும் தடுப்பு நடவடிக்கைகளை விதிக்கவும் வழங்கப்பட்டுள்ள பரந்த அதிகாரங்கள் தன்னிச்சையான தடுப்புக்காவல் சித்திரவதை வலுக்கட்டாயமாக காணாமல் ஆக்கப்படுதல் மற்றும் எதிர்ப்புகளை ஒடுக்குதல் குறித்த கடுமையான கவலைகளை எழுப்புகின்றன. இதனால் முன்மொழியப்பட்டுள்ள இந்தச் சட்டமானது இலங்கையில் சிவில் அமைப்புக்கான வெளி மற்றும் அடிப்படைச் சுதந்திரங்கள் மீதான ஒட்டுமொத்தக் கட்டுப்பாடுகளை மேலும் வலுப்படுத்தும் அபாயத்தைக் கொண்டுள்ளது.
இந்த சட்டமூலத்தை சர்வதேசச் சட்டத்திற்கு முழுமையாக இணங்குமாறு திருத்தியமைக்குமாறு இலங்கை அதிகாரிகளுக்கு உலக சித்திரவதைக்கு எதிரான அமைப்பு அழைப்பு விடுக்கிறது.
இதற்கு மற்ற நடவடிக்கைகளுடன் சேர்த்து குறுகிய வரம்பிற்குள் வரையறுக்கப்பட்ட பயங்கரவாதக் குற்றங்கள் தடுத்து வைப்பதன் மீது வலுவான நீதித்துறை கட்டுப்பாடு காவலில் எடுக்கப்படும் ஆரம்ப கட்டத்திலிருந்தே சித்திரவதைக்கு எதிரான பாதுகாப்பு நடைமுறைகள் மற்றும் முறையான சட்டச் செயல்முறை பாகுபாடின்மை மற்றும் அடிப்படைச் சுதந்திரங்களைப் பாதுகாப்பதற்கான வலுவான உத்தரவாதங்கள் ஆகியவை அவசியமாகும்.
பயங்கரவாத எதிர்ப்புச் சட்டமானது சிவில் வெளிக்கான சுதந்திரத்தைக் கட்டுப்படுத்தும் அல்லது நியாயமான எதிர்ப்புக் குரல்களைக் குற்றமயமாக்கும் ஒரு கருவியாக மாறக்கூடாது. பயங்கரவாதத்திலிருந்து மக்களைப் பாதுகாப்பதும் மனித உரிமைகளைப் பேணிப் பாதுகாப்பதும் ஒன்றுக்கொன்று இணையான பொறுப்புகளே தவிர ஒன்றுக்கொன்று முரணான நோக்கங்கள் அல்ல.
