படைவிட்டோடிகள் எண்ணி;க்கை அதிகரித்து வருவதாக பிரதிபாதுகாப்பு அமைச்சர் அருண ஜயசேகர தெரிவித்துள்ளார்.
அதிகப்படியான பணிச்சுமை நீண்டசேவை நேரங்கள் மற்றும் வெளியே உள்ள சிறந்த வேலைவாய்ப்புகள் காரணமாக படைவிட்டோடிகளின் எண்ணிக்கை அதிகரிப்பதாக தெரிவித்துள்ள அவர் மேலும் குறிப்பிட்டுள்ளதாவது
வெளிநாட்டு வேலைவாய்ப்பு கல்விக்கான வாய்ப்புகள் பொதுத்துறையில் வேலைவாய்ப்புகள் தங்களது தொழி;ல்துறை கல்வித்துறை தகுதிகளுக்கு பொருத்தமான வேலைகளை பின்பற்றுவதில் உள்ள விருப்பம் ஆகியவை காரணமாக படைவிட்டோடிகள் எண்ணிக்கை அதிகரிக்கின்றது.
அதிகளவு பணிச்சுமை மற்றும் நீண்டநேரம் பணியாற்ற வேண்டியுள்ளதாலும் முப்படையிலிருந்தும் விலகிச்செல்வோர் எண்ணிக்கை அதிகரிக்கின்றது, குடும்பங்களின் நிதிதேவையை பூர்த்தி செய்யவேண்டியுள்ளதாலும்,குடும்பத்தினரிலிருந்து மிகதொலைதூரங்களில் பணிபுரியவேண்டியுள்ளதாலும்,திருமணம் மற்றும் குடும்ப வாழ்க்கைக்கு முன்னுரிமை அளிப்பதாலும் படைவிட்டோடிகளின் எண்ணிக்கை அதிகரிக்கின்றது.
படைத்துறை வாழ்க்கை ஒழுக்க கட்டுப்பாடுகளை பின்பற்றவேண்டியுள்ளமை படைத்துறை வாழ்க்கைக்கு பழகிக்கொள்வதில் உள்ள சிரமங்கள் காரணமாகவும் முப்படையிலிருந்து விலகுவோர் எண்ணிக்கை அதிகரிக்கின்றது
உரிய அனுமதியின்றி சேவையிலிருந்து விலகும் வெளிநாடுகளுக்கு செல்லும் இராணுவ அதிகாரிகள் படைவிட்டோடிகளாக கருதப்படுவார்கள் என அமைச்சர் எச்சரித்துள்ளார்
