நிவாரணப் பணிகள் தொடர்ந்து நடந்து வீதிகள் மீண்டும் திறக்கப்படும் நிலையில் ஆயிரக்கணக்கான குழந்தைகள் இன்னும் ஒரு நிச்சயமற்ற சூழ்நிலையில் உள்ளனர் – பள்ளிகள் மீண்டும் திறக்கப்படுவதற்காகக் காத்திருக்கிறார்கள் தங்கள் வீடுகள் மீண்டும் கட்டப்படுவதற்காக ஆவலுடன் காத்திருக்கிறார்கள் மற்றும் சில இதயம் நொறுங்கும் சந்தர்ப்பங்களில் ஒருவேளை ஒருபோதும் திரும்ப வரமாட்டாத தங்கள் பெற்றோர்களுக்காக மூச்சுப் பிடித்துக்கொண்டு காத்திருக்கிறார்கள்.
தித்வா காரணமாக ஏற்பட்ட நிலச்சரிவுகள் மற்றும் வெள்ளப் பெருக்கால் 275இ000 குழந்தைகள் இடம்பெயர்ந்துள்ளனர் என்று மகளிர் மற்றும் குழந்தைகள் விவகாரங்கள் அமைச்சர் சரோஜா சாவித்திரிபோல்ராஜ் தெரிவித்தார். இவர்களில் பலர் தங்கள் பெற்றோர்களிடமிருந்து பிரிந்துள்ளனர் அல்லது அவர்களிடமிருந்தோ அவர்களைப் பற்றியோ அல்லது தங்கள் உறவினர்களைப் பற்றியோ இன்னும் செய்திக்காகக் காத்திருக்கிறார்கள் என்றும் அவர் கூறினார்.
உடனடிச் சுமையைக் குறைப்பதற்காக பாதிக்கப்பட்ட ஒவ்வொரு குழந்தைக்கும் ரூ. 25000 விநியோகிக்க அரசாங்கம் தொடங்கியது — அதில் ரூ. 10000 பேரிடர் மேலாண்மை மையத்திலிருந்தும் ரூ. 15000 ஜனாதிபதியின் நிதியிலிருந்தும் வழங்கப்படுகிறது என்று அவர் தெரிவித்தார். “அவர்களில் எத்தனை பேர் தங்கள் பெற்றோரை தாயை அல்லது தந்தையை இழந்திருக்கிறார்கள் மேலும் அவர்கள் எந்த வயதுப் பிரிவைச் சேர்ந்தவர்கள் என்று நாங்கள் தற்போது மதிப்பிட்டு வருகிறோம்” என்று அவர் கூறினார்.
இந்தப் பேரிடரில் சிக்கியுள்ள குழந்தைகளின் எண்ணிக்கை — ஐந்து வயதுக்குட்பட்ட எத்தனை சிறுவர் சிறுமிகள் பாதிக்கப்பட்டுள்ளனர் எத்தனை பேர் பள்ளி செல்லும் வயதில் உள்ளனர் மற்றும் அவர்கள் இப்போது வாழும் நிலைமைகள் என்ன என்பது குறித்து அவர் பதிலளித்தார்.
அதிகாரிகளால் முழுமையான விவரங்களை நாளை திங்கட்கிழமைதான் உறுதிப்படுத்த முடியும் என்று அமைச்சர் பௌல்ராஜ் கூறினார். “எங்களுக்கு துல்லியமான எண்கள் தேவை — எத்தனை பேர் பள்ளி செல்லும் குழந்தைகள் எத்தனை பேர் ஐந்து வயதுக்குக் குறைவானவர்கள் அல்லது பத்து வயதுக்குக் குறைவானவர்கள் மற்றும் அவர்களில் எத்தனை பேர் சிறுமிகள் மற்றும் எத்தனை பேர் சிறுவர்கள்” என்று அவர் கூறினார்.
“இடம்பெயர்ந்த குழந்தைகளும் அவர்களின் குடும்பங்களும் தங்கியுள்ள பாதுகாப்பு மையங்களுக்கு அவர்களின் பாதுகாப்பை உறுதி செய்ய குழந்தைகள் பாதுகாப்பு அதிகாரிகளை நாங்கள் நியமித்துள்ளோம்” என்று அவர் கூறினார்.
பல குடும்பங்களுக்குஇ நிச்சயமற்ற தன்மைதான் மிகக் கடினமான பகுதியாக உள்ளது. சில பகுதிகளில் முழு கிராமங்களும் இன்னும் துண்டிக்கப்பட்டுள்ளன.
“குழந்தைகளின் பெற்றோர்கள் வெள்ளத்தினால் அல்லது நிலச்சரிவினால் அடித்துச் செல்லப்பட்டார்களா என்பதை உடனடியாகச் சரிபார்ப்பது கடினம்” என்று போல்ராஜ்கூறினார். “சாலைகள் தடுக்கப்பட்டுள்ளன பாலங்கள் அடித்துச் செல்லப்பட்டுள்ளன. சில மாகாணங்களில் எங்கள் குழுக்களால் இன்னும் அந்தப் பகுதிக்குள் நுழைய முடியவில்லை.
”
“சில குழந்தைகள் தங்கள் இரு பெற்றோர்களையும் இழந்துவிட்டனர்” என்று அவர் கூறினார்.
“பல குழந்தைகள் தங்கள் தாய் அல்லது தந்தையின்றி மீட்கப்பட்டுப் பாதுகாப்பு முகாம்களுக்கு அழைத்துச் செல்லப்பட்டனர். முடிந்த இடங்களில் குடும்பங்களை மீண்டும் ஒன்றிணைக்க நாங்கள் முயற்சிக்கிறோம்” என்று அவர் கூறினார்.
“பாதுகாப்பாகவும் நடைமுறைப்படுத்தக் கூடியதாகவும் இருந்தால் குழந்தைகளை அவர்களின் உறவினர்களிடம் ஒப்படைப்போம்” என்று அமைச்சர் கூறினார். “இரு பெற்றோர்களையும் இழந்தவர்களின் பொறுப்பை அரசாங்கம் ஏற்கும்.”
ஐநா அமைப்புகள்தன்னார்வ தொண்டு நிறுவனங்கள் அரசு ஊழியர்கள் சமூகக் குழுக்கள் மற்றும் அமைப்புகளின் ஆதரவு நிலைமையை நிலைப்படுத்துவதற்கு முக்கியமானதாக இருந்தது என்றுபோல்ராஜ்கூறினார். “அனைவருக்கும் நான் நன்றி கூறுகிறேன்” என்று அவர் மேலும் “முகாம்களில் உள்ள கர்ப்பிணிப் பெண்களுக்கு ஊட்டச்சத்து நிறைந்த உணவுஇ ஃபோலிக் அமிலம் மற்றும் அத்தியாவசிய மருந்துகளும் வழங்கப்பட்டு வருகின்றன” என்றார்.
“பாதுகாப்பு மையங்களில் உள்ள அனைத்துத் தாய்மார்களும் தங்கள் குழந்தைகளை மிகுந்த கவனத்துடன் பார்த்துக் கொள்ளுமாறு நான் கேட்டுக் கொள்கிறேன்” என்றுபோல்ராஜ் கூறினார். “இந்த முகாம்கள் பொதுவான இடங்கள். நாம் குழந்தைகளுக்குச் சிறப்புக் கவனம் செலுத்த வேண்டும்.” அதிர்ச்சியில் இருந்து மீண்டு வர உதவுவதற்காக உளவியல்-சமூக ஆதரவுத் திட்டங்கள் செயல்படுத்தப்பட்டு வருகின்றன.
“குழந்தைகளை மகிழ்ச்சியாகவும் பாதுகாப்பாகவும் வைத்திருக்க எங்களால் முடிந்ததைச் செய்கிறோம் – அவர்கள் விளையாட பொம்மைகள் கிடைப்பதை உறுதி செய்கிறோம். சில நன்கொடையாளர்கள் பொம்மைகளை வழங்கியுள்ளனர். அவர்களுக்கும் நான் நன்றி உள்ளவள்” என்று அவர் கூறினார்.
சில அதிகாரிகள் தங்கள் பிரிவுக்கு வெளியே உள்ள மக்களுக்கு உணவுப் பொட்டலங்களை விநியோகிக்க மறுத்துவிட்டதாகக் கூறப்படும் எதிர்க்கட்சிக் குற்றச்சாட்டுக்கு பதிலளித்த அவர் “அது போன்ற பிரச்சினைகள் உள்ளன” என்று கூறி பொருட்கள் ஒதுக்கப்பட்ட மையங்களுக்குச் சென்று சேருவதற்கு முன் சிலர் இடைமறிக்க முயன்றதால்தான் சில சம்பவங்கள் நடந்தன என்றும் அவர் மேலும் கூறினார்.
“ஆனால் இந்தத் தவறான புரிதல்கள் இருந்தபோதிலும் இடம்பெயர்ந்தவர்கள் கவனிக்கப்பட்டு உள்ளனர்” என்று அவர் கூறினா
