அமெரிக்காவின் நிலைகள் குறித்த உளவுத் தகவல்களை ரஷ்யா ஈரானுக்கு வழங்கி வருவதாக பிபிசி-யின் அமெரிக்கப் பங்காளியான சிபிஎஸ் நியூஸிடம் (CBS News) வட்டாரங்கள் தெரிவித்துள்ளன.
அமெரிக்காவின் மூத்த அதிகாரி ஒருவர் உட்பட, விவகாரத்தை நன்கு அறிந்த மூன்று பெயரிடப்படாத நபர்களை மேற்கோள் காட்டி இந்தத் தகவல் தெரிவிக்கப்பட்டுள்ளது.
முன்னதாக, ரஷ்யா அமெரிக்க நிலைகள் குறித்த உளவுத் தகவல்களை வழங்கி வருவதாக வாஷிங்டன் போஸ்ட் (The Washington Post) இதழும் மூன்று அதிகாரிகளை மேற்கோள் காட்டி செய்தி வெளியிட்டிருந்தது.
இதற்கிடையில், ரஷ்யா ஈரானியத் தலைமையுடன் “பேச்சுவார்த்தையில்” (dialogue) ஈடுபட்டுள்ளதாக விளாடிமிர் புடினின் செய்தித் தொடர்பாளர் கூறியதாக ரஷ்ய அரசு ஊடகம் தெரிவித்துள்ளது.
ஈரானுக்கு மாஸ்கோ உதவுகிறதா என்று செய்தியாளர்கள் கேட்டபோது, அது குறித்த விவரங்களை வழங்க கிரெம்ளின் (Kremlin) மறுத்துவிட்டதாக ராய்ட்டர்ஸ் (Reuters) செய்தி நிறுவனம் தெரிவித்துள்ளது.
