பாரிஸில் உள்ள அமெரிக்க வங்கி கட்டிடத்திற்கு வெளியே கடந்த வார இறுதியில் முறியடிக்கப்பட்ட குண்டுவெடிப்பு முயற்சிக்கும் ஈரானுக்கும் தொடர்பு இருக்கலாம் என பிரான்ஸ் அதிகாரிகள் விசாரணை நடத்தி வருவதாக அந்நாட்டு உள்துறை அமைச்சர் திங்கள்கிழமை தெரிவித்தார்.
ஈரான் தொடர்பு குறித்த சந்தேகம்: அமெரிக்கா மற்றும் இஸ்ரேல் ஈரானுடன் போரைத் தொடங்கிய பிறகு இணையதளத்தில் உருவான ஒரு மர்மமான ஈரான் ஆதரவு குழு ஐரோப்பாவின் பிற பகுதிகளில் நடத்திய தாக்குதல் முயற்சிகளுக்கும் இதற்கும் ஒற்றுமை இருப்பதாக பிரான்ஸ் உள்துறை அமைச்சர் லோரண்ட் நுனேஸ் தெரிவித்துள்ளார்.
கைது நடவடிக்கை: இச்சம்பவம் தொடர்பாக மூன்று சந்தேக நபர்கள் கைது செய்யப்பட்டுள்ளனர். தேசிய பயங்கரவாத எதிர்ப்பு வழக்கறிஞர் அலுவலகம் இது தொடர்பான விசாரணையை ஆரம்பித்துள்ளது.
: நெதர்லாந்து மற்றும் பெல்ஜியத்தில் மேற்கொள்ளப்பட்ட நடவடிக்கைகளைப் போன்றே இங்கும் செயல்பாடுகள் அமைந்துள்ளதால் இதற்கும் ஈரானுக்கும் நேரடித் தொடர்பு இருப்பதாக அதிகாரிகள் கருதுகின்றனர்.
ஹரக்கத் அஷாப் அல்-யமீன் அல்-இஸ்லாமியா: டெலிகிராம் ) செயலி மூலம் இந்தத் தாக்குதல்களுக்கு ‘ஹரக்கத் அஷாப் அல்-யமீன் அல்-இஸ்லாமியா’ (நீதிமான்களின் தோழர்களின் இஸ்லாமிய இயக்கம்) என்ற குழு பொறுப்பேற்றுள்ளது. மத்திய கிழக்கில் அமெரிக்காவின் நடவடிக்கைகளுக்குப் பழிவாங்கும் வகையிலேயே தாம் செயல்படுவதாக அக்குழு கூறியுள்ளது.
முந்தைய தாக்குதல்கள்: கடந்த வாரம் லண்டனில் யூத தொண்டு நிறுவனத்திற்குச் சொந்தமான நான்கு அம்புலன்ஸ் வண்டிகள் தீயிட்டுக் கொளுத்தப்பட்ட சம்பவத்திற்கும் இக்குழுவே பொறுப்பேற்றுள்ளது.
குழுவின் எச்சரிக்கை:
காசா ஈரான் லெபனான் மற்றும் ஏனைய எதிர்ப்பு நாடுகளில் உள்ள ஒவ்வொரு குழந்தையின் மரணத்திற்கும் பழிவாங்கும் வரை உலகம் முழுவதும் உள்ள அமெரிக்க மற்றும் இஸ்ரேலிய நலன்களுக்கு எதிராகத் தொடர்ந்து அச்சுறுத்தல் விடுப்போம் என்று அக்குழுவின் நிர்வாகி தெரிவித்துள்ளார்.
