கூடுதல் வரி (Surcharge) மற்றும் எல்டிவி (LTV) வரம்புகளின் தாக்கம் – எச்என்பி ஸ்டாக்புரோக்கர்ஸ் ரிசர்ச் (HNB Stockbrokers Research) பகுப்பாய்வு தகவல்
-
மொத்த வாகனப் பதிவுகள் 45,569 அலகுகளாகக் (units) குறைவு: புதிய கார்கள் மற்றும் எஸ்சிவி (SUV) வாகனங்களின் பதிவில் ஏற்பட்ட 33.9% சரிவு காரணமாக, நவம்பர் 2025க்குப் பிறகு மிகக் குறைந்த அளவை எட்டியுள்ளது.
-
மின்சார வாகனங்கள் (EVs) 87% சந்தைப் பங்களிப்பு: தேவை குறைந்தபோதிலும் புதிய கார்கள் சந்தையில் மின்சார வாகனங்கள் ஆதிக்கம் செலுத்துகின்றன; இருப்பினும் எஸ்சிவி (SUV) பிரிவில் ஹைபிரிட் (Hybrid) வாகனங்கள் மின்சார வாகனங்களை முந்தியுள்ளன.
-
வணிக ரீதியிலான புதிய வாகனப் பதிவுகள் 9.1% சரிவு: பிக்கப் டிரக் (Pickup trucks) பிரிவில் ஏற்பட்ட சரிவு காரணமாக இந்த வீழ்ச்சி ஏற்பட்டுள்ளது.
இறுக்கமான கடன்-மதிப்பு (LTV) வரம்புகள் மற்றும் நீட்டிக்கப்பட்ட இறக்குமதி கூடுதல் வரி (Import Surcharge) ஆகியவை தேவையைப் பாதித்ததால், 2026 ஆகஸ்ட் மாதத்தில் மொத்த வாகனப் பதிவுகள் முந்தைய மாதத்தை விட (MoM) 13.8% குறைந்து 45,569 அலகுகளாகப் பதிவாகியுள்ளன. இது 2025 நவம்பரில் பதிவான 43,810 அலகுகளுக்குப் பிறகு மிகக் குறைந்த மாதாந்திர எண்ணிக்கையாகும் என எச்என்பி ஸ்டாக்புரோக்கர்ஸ் ரிசர்ச் (HSB Research) தனது செப்டம்பர் 2026 சந்தை நுண்ணறிவு அறிக்கையில் தெரிவித்துள்ளது.
சந்தையின் பெரும்பகுதியைக் கொண்ட இருசக்கர வாகனப் பதிவுகள் 11.9% குறைந்து 33,613 அலகுகளாகப் பதிவாகின. அதே நேரத்தில் புதிய கார்கள் மற்றும் விளையாட்டு பயன்பாட்டு வாகனங்களின் (SUV) கூட்டுப் பதிவுகள் 33.9% சரிந்தன.
பங்குச் சந்தையில் பட்டியலிடப்பட்ட வாகன விற்பனை நிறுவனங்களுக்கு அதிக தொடர்பு இருப்பதால், தனது பகுப்பாய்வு புதிய கார்கள், எஸ்சிவி-க்கள் மற்றும் வணிக வாகனங்கள் மீது கவனம் செலுத்தியதாக HSB Research தெரிவித்துள்ளது.
இப்பிரிவுக்குள், ஆகஸ்ட் மாதத்தில் மோட்டார் கார்களின் மொத்தப் பதிவு 2,652 அலகுகளாக இருந்தது. அதில் 632 (23.8%) புதிய கார்களாகும். எஸ்சிவி வாகனப் பதிவுகள் 3,100 ஆக இருந்த நிலையில், அவற்றில் 1,093 (35.3%) புதிய வாகனங்களாகும். வணிக வாகனப் பதிவுகள் 1,919 ஆகப் பதிவானதில், 1,311 (68.3%) புதிய வாகனங்களாகும்.
புதிய மோட்டார் கார்கள்
புதிய மோட்டார் கார்களின் பதிவுகள் முந்தைய மாதத்தை விட 38.1% குறைந்து 632 அலகுகளாகச் சரிந்தன. பிஒய்டி (BYD) நிறுவனம் 342 அலகுகளுடன் சந்தையில் முதலிடத்தைத் தக்கவைத்துக் கொண்ட போதிலும், ஜூலை மாதத்துடன்ப்பிடுகையில் இதன் பதிவுகள் 56.3% சரிந்தன. இதனால் காயி (Kaiyi) மற்றும் பிஏடபிள்யூ (BAW) நிறுவனங்கள் சந்தைப் பங்கை அதிகரித்துக் கொண்டன. காயி நிறுவனத்தின் பதிவுகள் 282.4% உயர்ந்து 65 அலகுகளாக மாறி இரண்டாம் இடத்தைப் பிடித்தது, அதே வேளையில் பிஏடபிள்யூ நிறுவனத்தின் பதிவுகள் 10.9% உயர்ந்து 61 அலகுகளாக மாறியது.
சுமார் ரூ. 7-9 மில்லியன் விலையுடைய ‘Atto 1’ மாடல் அதிக தேவை கொண்ட மாடலாக நீடித்தது, அதற்கு அடுத்தபடியாக ரூ. 10-13 மில்லியன் விலையுடைய ‘Dolphin’ மாடல் இருந்தது. ஆகஸ்ட் மாதத்தில் புதிய கார் பதிவுகளில் மின்சார வாகனங்கள் (EVs) 87% பங்கைக் கொண்டிருந்தன (ஜூலையில் இது 92% ஆக இருந்தது). இப்பிரிவில் உள்ள முதல் ஐந்து மாடல்களும் மின்சார வாகனங்களாகும்.
எஸ்சிவி (SUV) பிரிவு
புதிய எஸ்சிவி பிரிவில் பதிவுகள் 31.3% குறைந்து 1,093 அலகுகளாகப் பதிவாகின. ஜெய்ட்டூர் (Jetour) நிறுவனம் தனது ‘Jetour T2’ மாடலின் ஆதரவுடன் 26.8% சந்தைப் பங்கைப் பெற்று பிஒய்டி-யை முந்தி முதலிடத்தைப் பிடித்தது. சுசுகி (Suzuki) நிறுவனப் பதிவுகள் 54.9% சரிந்தன. பிஒய்டி நிறுவனம் மூன்றாம் இடத்திற்குத் தள்ளப்பட்டது; அதன் பதிவுகள் 148 அலகுகளாகக் குறைந்தது (-68.6% MoM). ஜூலையில் அதிக விற்பனையான ‘Atto 2’ மாடல் 84.5% சரிவைச் சந்தித்து, முதல் ஐந்து மாடல்களின் பட்டியலில் இருந்து வெளியேறியது.
புதிய எஸ்சிவி பதிவுகளில் ஹைபிரிட் (Hybrid) வாகனங்களின் பங்கு ஜூலையிலிருந்த 25%-லிருந்து 49% ஆக உயர்ந்து, மின்சார வாகனங்களை முந்தியது. மின்சார வாகனங்களின் பங்கு 28%-லிருந்து 14% ஆகக் குறைந்தது. போட்டி விலையுடைய ஹைபிரிட் மாடல்களுக்கான தேவை அதிகரித்து வருவதை இது காட்டுவதாக HSB Research குறிப்பிட்டது.
வணிக வாகனங்கள்
புதிய வணிக வாகனப் பதிவுகள் 1,311 அலகுகளாகப் பதிவாகி, முந்தைய மாதத்தை விட 9.1% குறைந்தன. லாரி மற்றும் போ Passanger/Bus பிரிவுகளில் வளர்ச்சி இருந்தபோதிலும், பிக்கப் டிரக் பிரிவில் ஏற்பட்ட வீழ்ச்சி ஒட்டுமொத்தப் பதிவைக் குறைத்தது. பிக்கப் டிரக் பதிவுகள் 19.3% குறைந்து 381 அலகுகளாக மாறின; இதில் மஹிந்திரா (Mahindra) மற்றும் டாடா (Tata) நிறுவனங்கள் இணைந்து 86.4% பங்கைக் கொண்டிருந்தன.
லாரி பதிவுகள் 2.2% உயர்ந்து 416 அலகுகளாகின; இதில் இசுசு (Isuzu) 39.4% பங்களிப்புடன் முதலிடத்திலும், லங்கா அசோக் (Lanka Ashok) மற்றும் டாடா அடுத்தடுத்த இடங்களிலும் இருந்தன. பஸ்/கோச் பதிவுகள் 33.7% உயர்ந்து 250 அலகுகளாகின; இதில் போட்டோன் (Foton) நிறுவனம் 42.4% பங்களிப்புடன் முதலிடம் பிடித்தது.
கொள்கை மாற்றங்கள் மற்றும் சந்தை தாக்கம்
மே பாதியில் தற்காலிகமாக விதிக்கப்பட்ட, இறக்குமதி வாகனங்களுக்கான சுங்க வரியின் மீதான 50% கூடுதல் வரியை (Surcharge) அரசாங்கம் ஆகஸ்ட் 14 அன்று டிசம்பர் 31, 2026 வரை நீட்டித்துள்ளதாக HSB Research சுட்டிக்காட்டியுள்ளது. மே 15 அன்று அல்லது அதற்கு முன்னர் திறக்கப்பட்ட கடனுதவிக் கடிதங்களுக்கு (LCs) இதில் விலக்கு அளிக்கப்பட்டுள்ளது.
மே 25 அன்று இறுக்கமாக்கப்பட்ட கடன்-மதிப்பு (LTV) வரம்புகள் (கார்கள், எஸ்சிவி, வேன் மற்றும் முச்சக்கர வண்டிகளுக்கான கடன் விகிதம் 50%-லிருந்து 40% ஆகவும், வணிக வாகனங்களுக்கு 70%-லிருந்து 60% ஆகவும் குறைக்கப்பட்டது) மற்றும் இந்த கூடுதல் வரி ஆகியவை இணைந்து, ஆண்டின் எஞ்சிய பகுதியில் வாகனங்களின் மலிவுத் தன்மையைப் பாதித்து தேவையை கட்டுப்படுத்தும் என்று HSB Research தெரிவித்துள்ளது. இதன் தாக்கம் நடுத்தர மற்றும் உயர் ரக வாகனப் பிரிவுகளில் அதிகமாக இருக்கும் என எதிர்பார்க்கப்படுகிறது, குறைந்த விலை பிரிவுகள் ஒப்பீட்டளவில் அதிக நிலையான தன்மையைக் காட்டக்கூடும்.
பட்டியலிடப்பட்ட நிறுவனங்களின் நிலை
பங்குச் சந்தையில் பட்டியலிடப்பட்ட வாகன விற்பனையாளர்களில்:
-
ஜான் கீல்ஸ் குழுமத்தால் (John Keells Group) விநியோகிக்கப்படும் BYD, Atto 1 மற்றும் Dolphin மாடல்களின் பலத்தால் கார் பிரிவில் முதலிடத்தைத் தக்கவைத்தது, ஆனால் எஸ்சிவி பிரிவில் மூன்றாம் இடத்திற்குச் சரிந்தது.
-
பிரவுன்ஸ் (Browns) நிறுவனத்தால் விநியோகிக்கப்படும் BAW, தனது விற்பனையை 61 அலகுகளாக உயர்த்தி, புதிய கார் சந்தைப் பங்கை சுமார் 5%-லிருந்து 10% ஆக உயர்த்தியது.
-
ஹெய்லீஸ் (Hayleys) நிறுவனத்தின் கீழ் உள்ள JAECOO பதிவுகள் ஜூலையிலிருந்த 94-லிருந்து 85 ஆகக் குறைந்தன. அதே வேளையில், Kaiyi e மாடலின் ஆதரவால் Kaiyi பதிவுகள் 17-லிருந்து 65 ஆக உயர்ந்து கார் பிரிவில் இரண்டாம் இடத்தைப் பிடித்தது.
-
டிமோ (DIMO) நிறுவனத்தின் கீழ் Mercedes-Benz பதிவுகள் 14-லிருந்து 21 ஆக உயர்ந்தன, ஆனால் Tata பதிவுகள் 298-லிருந்து 191 ஆகக் குறைந்து வணிக வாகனத் தேவையில் சற்று வீழ்ச்சியைக் காட்டியது.
-
அக்சஸ் (Access) நிறுவனத்தின் கீழ் Land Rover ஆகஸ்டில் 5 புதிய எஸ்சிவி வாகனங்களைப் பதிவு செய்தது.
-
Access Engineering Ltd / Sathosa Motors PLC 164 புதிய Isuzu லாரிகளைப் பதிவு செய்தது.
-
Lanka Ashok லாரி பதிவுகள் ஜூலை மாதத்தில் இருந்த 22 அலகுகளிலிருந்து ஆகஸ்ட் மாதத்தில் 108 அலகுகளாகப் பாரியளவில் உயர்ந்தன
