ஞானசார தேரருக்கு விதிக்கப்பட்ட தண்டனை சட்டத்திற்கு புறம்பானது என தெரிவித்துள்ள முன்னாள் பிரதம நீதியரசர் சரத் என் சில்வா ஞானசார தேரருக்கு அளிக்கப்பட்ட தண்டனை சட்டத்தில் அனுமதிக்கப்பட்ட தண்டனையை விட அதிகம் எனவும் தெரிவித்துள்ளார்.
திங்கட்கிழமை கொழும்பில் பௌத்தமகாசபை ஏற்பாடு செய்திருந்த மாநாட்டில் உரையாற்றிய சரத் என்சில்வா மேலும் தெரிவித்துள்ளதாவது.
ஞானசார தேரருக்கு விதிக்கப்பட்ட தண்டனை முற்றிலும் சட்டத்திற்கு புறம்பானது.இது ஒரு சாதாரணமான சூழ்நிலை அல்ல.
மேல்முறையீட்டு நீதிமன்ற தலைவர் பிரீத்தி பத்மன் சுரசேனவிற்கு கடிதமொன்றை எழுதிய நீதவான் இவ்வாறான சம்பவமொன்று நீதிமன்றத்தில் இடம்பெற்றுள்ளது,தனது தண்டனை வழங்கும் அதிகாரம் வரையறுக்கப்பட்டுள்ளதால்,இந்த விவகாரத்தை மேல்முறையீட்டு நீதிமன்றத்திற்கு பரிந்துரைப்பதாகவும் குறிப்பிட்டிருந்தார்.
சிக்கல் இங்குதான் உள்ளது,இதிலுள்ள சட்டபூர்வ நிலைப்பாடு என்ன?நீதிமன்ற அவமதிப்புக்கான தண்டனை 1500க்கு மேற்படாமல் அபராதம்,அல்லது 18 மாதங்களுக்கு மிகாமல் சாதாரண சிறைத்தண்டனை மாத்திரமே அதுவும் ஒன்றரை வருடங்களின் ஆண்டுகள் மாத்திரமே.
சட்டத்தில் 18 மாதங்களுக்கு மாத்திரதே தண்டனை உள்ள நிலையில் நீதவான் ஆறு ஆண்டுகளுக்கு தண்டனை விதித்துள்ளார், அந்த சரத்து மேல்முறையீட்டு நீதிமன்ற அவமதிப்பிற்கு மாத்திரமே பொருந்தும்,ஏனைய விடயங்கள் குறித்து எந்த சரத்தும் இல்லை.
முன்னாள் ஜனாதிபதி மைத்திரிபால சிறிசேனவினால் வழங்கப்பட்ட பொதுமன்னிப்பும் நியாயமானது என சரத்என் சில்வா தெரிவித்துள்ளார்.
