சாமர சம்பத் கைதுசெய்யப்பட்டது ஏன்?

முன்னாள் இராஜாங்க அமைச்சர் சாமர சம்பத் கைதுசெய்யப்பட்டமைக்கான காரணங்களை இலங்கை இலஞ்ச ஊழல் விசாரணை ஆணைக்குழு தெளிவுபடுத்தியுள்ளது.
இரத்தினக்கல் வியாபாரியொருவரிடம் இலஞ்சம் பெற்றமை பொஸ்பேர்ட் ஏற்றுமதி நிறுவனங்களிடமிருந்து பணங்களை பெற்றமை ஆகிய குற்றச்சாட்டுகளின் அடிப்படையிலேயே சாமர சம்பத் கைதுசெய்யப்பட்டுள்ளார்.
இரத்தினக்கல் வர்த்தகர் ஒருவரிடமிருந்து சாமரசம்பத் 1.2 மில்லியனை கோரி ஐந்து இலட்சத்தை பெற்றுக்கொண்டார் வேறு இருவரிடமிருந்தும் இதேபோல பெருந்தொகை பணத்தை கோரி அதில் ஒரு தொகையை பெற்றுக்கொண்டார் என ஆணைக்குழு தெரிவித்துள்ளது.
மேலும் உரிய நடைமுறைகளை பின்பற்றாமல் இலங்கையிலிருந்து பொஸ்பேட்டினை ஏற்றுமதி செய்வதற்காக மூன்று நிறுவனங்கள் தெரிவு செய்யப்பட்டன,முன்னாள் அமைச்சர் அந்த நிறுவனங்களுக்கு உதவினார் எனவும் ஆணைக்குழு தெரிவித்துள்ளது.
இதற்கு பதிலாக அந்த நிறுவனங்கள் அவருக்கு 8.4 மில்லியனை வழங்கியுள்ளன என குற்றச்சாட்டு சுமத்தப்பட்டுள்ளது.