சிறையிலிருந்து தந்தை மஹிந்தவுக்கு நாமல் ராஜபக்ச பிறந்தநாள் வாழ்த்துச் செய்தி

சிறையிலிருக்கும் நாடாளுமன்ற உறுப்பினர் நாமல் ராஜபக்ச, தனது தந்தை முன்னாள் ஜனாதிபதி மஹிந்த ராஜபக்சவுக்கு உருக்கமான பிறந்தநாள் வாழ்த்துச் செய்தி ஒன்றை அனுப்பியுள்ளார். அதில், தந்தையின் மீது தான் கொண்டுள்ள அன்பும் மரியாதையும் தனது சிறைச்சாலையின் சுவர்களுக்கு அப்பாற்பட்டவை என்று அவர் குறிப்பிட்டுள்ளார்.

தனது தந்தையின் பிறந்தநாளை முன்னிட்டுப் பகிர்ந்துள்ள அந்தச் செய்தியில், குடும்பத்தினரிடமிருந்து மற்றும் அன்புக்குரியவர்களிடமிருந்து பிரிந்து தான் ஒரு கடினமான காலகட்டத்தைக் கடந்து வருவதால், தனது தந்தையின் அருகில் சென்று நேரில் வாழ்த்த முடியாத நிலையில் இருப்பதாக நாமல் கூறியுள்ளார்.

வாழ்க்கையின் சவால்களை எதிர்கொள்ள தனது தந்தை கற்பித்த பாடங்களும், காட்டிய தைரியமும் மற்றும் அவரது முன்னுதாரணமும் தனக்கு பலம் சேர்ப்பதாக அவர் தெரிவித்தார்.

நாட்டின் வரலாற்றில் மிகக் இருண்ட காலங்களில் ஒன்றில் தனது தந்தை வழங்கிய தலைமைத்துவத்தை நினைவு கூர்ந்த நாமல், எவ்வித பயமுமின்றி உறுதியாக நின்று மஹிந்த ராஜபக்ச எண்ணற்ற குடும்பங்களுக்கு அமைதியைப் பெற்றுக்கொடுத்தார் என்று குறிப்பிட்டார்.

பெரும் பொறுப்புக்களைச் சுமக்கும் போது தனது தந்தை வெளிப்படுத்திய பொறுமை, தைரியம் மற்றும் விடாமுயற்சியை இப்போது தான் ஆழமாகப் புரிந்து கொண்டுள்ளதாக அவர் கூறினார்.

மேலும், உண்மைக்காகப் போராடும் போது தான் எதிர்கொள்ளும் சிரமங்கள், ஒரு தந்தைக்குத் தேவையான வலிமையை இன்னும் நன்றாகப் புரிந்துகொள்ள தனக்கு உதவியுள்ளதாகவும் நாமல் தெரிவித்தார்.

தனது தந்தையின் பிறந்தநாளில் தன்னால் உடன் இருக்க முடியாது விட்டாலும், தனது பிள்ளைகள் சென்று தாத்தாவைத் தழுவி தமது வாழ்த்துக்களைத் தெரிவிப்பார்கள் என்று அவர் கூறினார்.

 அரசியல் அழுத்தங்கள், அவமானங்கள் மற்றும் பல்வேறு கடினமான சூழ்நிலைகளைக் கடந்து வந்தவராகவும் மஹிந்த ராஜபக்சவை வர்ணித்துள்ள நாமல், அவருக்கு நல்ல ஆரோக்கியத்தையும் மனவலிமையையும் மகிழ்ச்சியையும் வாழ்த்தியுள்ளார்.

“தந்தைக்கும் மகனுக்கும் இடையிலான உறவை தூரம்கூட உடைக்க முடியாது” என்று அவர் தனது செய்தியில் குறிப்பிட்டுள்ளார்.

Facebook
Twitter
LinkedIn
WhatsApp

Leave a Reply

Your email address will not be published. Required fields are marked *

Recent Post

gnasa
ஞானசார தேரரின் நான்கு வருட கடுங்காவல் சிறைத்தண்டனையை உறுதி செய்தது நீதிமன்றம்-தீர்ப்பில் நீதியரசர்கள் சுட்டிக்காட்டிய முக்கிய விடயங்கள் என்ன?
gajendran
நினைவேந்தல் நிகழ்வை முன்னெடுத்தமைக்காக செல்வராசா கஜேந்திரனுக்கு பொலிஸ் விசாரணைக்கு அழைப்பு!
ship on fire
ஹோர்முஸ்நீரிணையில் எண்ணெய் கப்பல் மீது தாக்குதல்: பற்றி எரியும் தீ
TRUMP ZI PUTIN
சீனாவில் டிரம்ப் புடின் சந்திப்பு
carney no
அமெரிக்காவுடனான வர்த்தக ஒப்பந்தம் இழுபறி: ஆசிய நாடுகளுடன் புதிய வர்த்தக உறவுகளை விரிவுபடுத்தும் கனேடியப் பிரதமர் மார்க் கார்னி
court-judge-hammer-gavel-696x398
கிரிஷ் வழக்கு – நாமலுக்கு வழங்கப்பட்ட பிணைக்கு இடைக்கால தடை
shashi11
சஷி வீரவன்சவுக்கு விதிக்கப்பட்ட 2 வருட சிறைத்தண்டனை உறுதி: உயர் நீதிமன்றம் தீர்ப்பு
gnasaraa
ஞானசாரதேரருக்கு விதிக்கப்பட்ட கடுங்காவல் சிறைத்தண்டனை உறுதி -மேன்முறையீட்டு நீதிமன்றம் தீர்ப்பு
gajendran
செம்மணி மனிதப் புதைகுழி விவகாரத்தை மூடி மறைக்கும் தேவையை நிறைவேற்றும் விதமாகவே பேராசிரியர் ராஜ் சோமதேவா  அறிக்கையை வெளியிட்டுள்ளார்.-கஜேந்திரன்
Namal-Rajapaksa-2 (1)
எயார்பஸ் ஊழல் வழக்கு: நாமல் ராஜபக்சவுக்கு எதிரான நீதவான் நீதிமன்ற நடவடிக்கைகள் நிறைவு; நாளை குற்றப்பத்திரிகை கையளிப்பு