இலங்கைக்கும் பாக்கிஸ்தானிற்கும் இடையிலான நீண்டகால குழப்பகரமான கிரிக்கெட் உறவுகளை நினைவுகூர்ந்துள்ள பாக்கிஸ்தானின் முன்னாள் அணித்தலைவர் ரசீட்லத்தீவ் கடந்தகால பாதுகாப்பு சவால்களிற்கும் பாக்கிஸ்தானிற்கு சுற்றுப்பயணம் மேற்கொண்டுள்ள தற்போதைய இலங்கை அணியின் நிலைக்கும் இடையில் சமாந்திரம் வரைந்துள்ளார்.
1994ம் ஆண்டு இலங்கைக்கு விஜயம் மேற்கொண்ட பாக்கிஸ்தான் அணியினர் மூன்று டெஸ்ட்போட்டிகளிலும் மூன்று ஒருநாள் போட்டிகளிலும் விளையாடிய வேளை இலங்கையில் இலங்கை இராணுவத்தினருக்கும் விடுதலைப்புலிகளிற்கும் இடையில் கடும் மோதல் இடம்பெற்றுக்கொண்டிருந்ததை அவர் நினைவுகூர்ந்துள்ளார்.
இரண்டாவது டெஸ்ட் போட்டி முடிவடைந்த பின்னர் கொழும்பில் குண்டுவெடித்தது.ஊரடங்கு சட்டம் பிறப்பிக்கப்பட்டதால் மூன்றாவது டெஸ்ட் இரத்துசெய்யப்பட்டது.
ஆபத்தான நிலை காணப்பட்டபோதும்,பாக்கிஸ்தான் அணி தொடர்ந்தும் இலங்கையில் தங்கியிருந்தது,இலங்கை அரசாங்கத்துடன் கலந்தாலோசித்து பாக்கிஸ்தான் கிரிக்கெட் கட்டுப்பாட்டுச்சபை எடுத்த தீர்மானத்திற்கு அணி வீரர்கள் முழுமையான ஒத்துழைப்பை வழங்கினார்கள் என அவர் எழுதியுள்ளார்.
இறுதி டெஸ்ட்போட்டி கைவிடப்பட்டு அதற்கு பதில் மேலும் இரண்டு ஒருநாள் போட்டிகளில் விளையாடினோம் தொடரை வென்றோம் என அவர் குறிப்பிட்டுள்ளார்.
–
