கொழும்பு பண்டாரநாயக்க சர்வதேச விமானநிலையத்தின் பயணிகள் முனையத்தை விஸ்தரிப்பதில் ஏற்பட்ட தாமதங்கள் காரணமாக ஒருவார காலத்திற்குள் 30 க்கும் மேற்பட்ட குளிர்கால வெளிநாட்டு விமானங்களின் வருகையை இரத்து செய்யவேண்டிய நிலையேற்பட்டது என சுற்றுலாத்துறை பிரதியமைச்சர் ருவான் ரணசிங்க தெரிவித்துள்ளார்.
அந்த விமானங்கள் இலங்கைக்கு வந்திருந்தால் இலங்கைக்கு விஜயம் மேற்கொண்ட சுற்றுலாப்பயணிகளின் எண்ணிக்கை மூன்று மில்லியனை கடந்திருக்கும் என அவர் தெரிவித்துள்ளார்.
நேற்றுடன் இந்த வருடத்தில் இலங்கைக்கு இரண்டு மில்லியன் சுற்றுலாப்பயணிகள் வருகை தந்துள்ளனர் என அவர் தெரிவித்துள்ளார்.
டிசம்பர் மாதத்திற்குள் இந்த எண்ணிக்கை 280இ000 ஆக அதிகரிக்கலாம் என எதிர்பார்க்கப்படுவதாக அவர் தெரிவித்துள்ளார்.
இந்த வருடம் மூன்று மில்லியன் சுற்றுலாப்பயணிகள் என்ற இலக்கை அடையமுடியாமல்போனமைக்கு சுற்றுலாத்துறை தொடர்பான பிரச்சாரத்தின் பலவீனங்களோ வேறு காரணங்களோ இல்லை விமானநிலைய வசதிகளை விஸ்தரிக்க முடியாமல்போனமையே காரணம் என அவர் தெரிவித்துள்ளார்.
இலங்கைக்குள் வான் வெளி மூலமாகவும் துறைமுகம் மூலமாகவும் மாத்திரம் வரலாம் முன்னைய அரசாங்கம் கொழும்பு விமானநிலையத்தின் பயணிகள் முனையத்தை விஸ்தரிக்க தவறிவிட்டது என பிரதியமைச்சர் தெரிவித்துள்ளார்.
