இருதரப்பு உறவுகளில் நிலவும் பதட்டங்களுக்கு மத்தியில் ஒரு குறிப்பிடத்தக்க மனிதாபிமான நடவடிக்கையாக இயற்கை அனர்த்தத்தினால் பாதிக்கப்பட்ட இலங்கைக்கான நிவாரணப் பொருட்களை ஏற்றிச் செல்லும் பாகிஸ்தானிய நிவாரண விமானம் அதன் வான்வெளியைக் கடக்க இந்தியா திங்களன்று அனுமதி வழங்கியது என்று இந்திய ஊடகம் தெரிவித்துள்ளது.
பாகிஸ்தான் தனது முறையான கோரிக்கையை டிசம்பர் 1 2025 அன்று இந்திய நேரப்படி மதியம் 13:00 மணியளவில் சமர்ப்பித்தது. இந்திய அதிகாரிகள் அதற்கு முன்னுரிமை அளித்து அன்றைய தினமே மாலை 17:30 மணியளவில் அனுமதி வழங்கினர். இந்த முழு நடைமுறையும் சுமார் நான்கு மணி நேரத்தில் நிறைவடைந்தது.என்று இந்திய ஊடகம் தெரிவித்துள்ளது.
பஹல்காம் பயங்கரவாத தாக்குதலையடுத்து ஏப்ரல்-மே மாதங்களில் நிலைமை தீவிரமடைந்ததைத் தொடர்ந்தும் அதன் பின்னர் இந்தியா மேற்கொண்ட பயங்கரவாத எதிர்ப்பு நடவடிக்கையான ‘ஆபரேஷன் சிந்தூர்’ மற்றும் பாகிஸ்தானின் தாக்குதலுக்குப் பிறகும் இரு நாடுகளும் பரஸ்பரம் வான்வெளியை மூடியுள்ளன. இருப்பினும் இந்த முடிவு முற்றிலும் மனிதாபிமானக் கருத்தினால் எடுக்கப்பட்டது. அனுமதி மறுக்கப்பட்டதாக வெளியான சில பாகிஸ்தான் ஊடகச் செய்திகள் தவறானவை.என்று இந்திய ஊடகம் தெரிவித்துள்ளது.
இலங்கைக்கு ஆதரவளிக்க ‘ஆபரேஷன் சாகர் பந்து’ என்ற பெயரில் இந்தியா ஒரு பெரிய பேரிடர் நிவாரண முயற்சியை மேற்கொண்டது. இந்த நடவடிக்கையில் விமானம் தாங்கிக் கப்பலான ஐ.என்.எஸ். விக்ராந்த் போர்க்கப்பலான ஐ.என்.எஸ். உதயகிரி ) மற்றும் கடலோர ரோந்துக் கப்பலான சுகன்யா ஆகியவை ஈடுபட்டு நிவாரணப் பொருட்களை வழங்கின.
இயக்கப்பட்ட சேத்தக் ஹெலிகாப்டர்கள் மற்றும் இந்திய விமானப்படையின் ஆi-17 ஹெலிகாப்டர்கள் இலங்கை விமானப்படையுடன் ஒருங்கிணைந்து கர்ப்பிணிப் பெண்கள் கைக்குழந்தைகள் மற்றும் ஆபத்தான நிலையில் காயமடைந்தவர்கள் உட்பட நூற்றுக்கணக்கான சிக்கித் தவித்தவர்களை வான்வழியாக மீட்டன. ஒரு பாகிஸ்தான் குடிமகன் உட்பட பல வெளிநாட்டுப் பிரஜைகளும் மீட்கப்பட்டனர். இந்தியா இதுவரை 53 டன் நிவாரணப் பொருட்களை வழங்கியுள்ளது.
