டித்வாசூறாவளியால்காரணமாக இலங்கை முழுவதும் உள்ள 416 உற்பத்தி மற்றும் ஏற்றுமதித் தொழிற்சாலைகள் பாதிக்கப்பட்டுள்ளதாக கைத்தொழில் மற்றும் தொழில்முனைவோர் அபிவிருத்தி அமைச்சு தெரிவித்துள்ளது. பாதிக்கப்பட்ட தொழிற்சாலைகளுக்கு மொத்த சேதத்தில் 25% உடனடியாக வழங்குவதற்கு அமைச்சு முன்மொழிந்துள்ளது.
தற்போது, ஒரு தரவு சேகரிப்பு முறைமையைப் பயன்படுத்தி புனரமைப்பு முயற்சிகள் மேற்கொள்ளப்பட்டு வருகின்றன. தொழிற்சாலை உரிமையாளர்கள் தங்களது சேத விபரங்களை டிசம்பர் 16 ஆம் திகதிக்கு முன்னர் 071 266 6660 என்ற துரித இலக்கத்தின் (hotline) மூலம் அறிவிக்குமாறு வலியுறுத்தப்படுகிறார்கள்.
கம்பஹா, கொழும்பு, புத்தளம், திருகோணமலை, கேகாலை, குருநாகல், மாத்தறை, கண்டி மற்றும் மட்டக்களப்பு ஆகிய மாவட்டங்களில் அதிக எண்ணிக்கையிலான பாதிக்கப்பட்ட தொழிற்சாலைகள் பதிவாகியுள்ளன.
இந்தத் தொழில்களை மீண்டும் கட்டியெழுப்ப ஆதரவளிப்பதற்காக, அமைச்சு ரூ. 3 பில்லியன் திருப்பிச் செலுத்தத் தேவையில்லாத மானியங்களை (non-repayable subsidies) ஒதுக்கியுள்ளது. இந்த நிதியை விடுவிப்பதற்காக அவசர நடவடிக்கைகள் எடுக்கப்பட்டு வருகின்றன. பல தொழிலதிபர்கள், விரைவான மீட்சியை எளிதாக்குவதற்கு நீர், மின்சாரம் மற்றும் வீதி உள்கட்டமைப்பை மீட்டெடுக்குமாறு கோரிக்கை விடுத்துள்ளனர்.
