கடந்த மாதம் இலங்கையில் ‘தித்வா’சூறாவளியால் ஏற்பட்ட பேரழிவைத் தொடர்ந்து, வெள்ள நிவாரண உதவி மற்றும் அவசர உதவி வழங்கியதற்காக அமெரிக்க ஜனாதிபதி டொனால்ட் டிரம்ப்புக்கு ஜனாதிபதி அனுர குமார திஸாநாயக்க இன்று சமூக ஊடகத்தில் நன்றி தெரிவித்தார்.
“தேவைப்படும் நேரத்தில் மீண்டும் ஒருமுறை எங்களுடன் துணை நின்ற அமெரிக்காவிற்கும், ஜனாதிபதி @realDonaldTrump அவர்களுக்கும் எனது ஆழந்த நன்றிகள்,” என்று ஜனாதிபதி திஸாநாயக்க X-இல் பதிவிட்டுள்ளார்.
“வேகமான C-130 விமானப் பணியமர்த்தல்களும், உடனடி 2 மில்லியன் அமெரிக்க டாலர் அவசர உதவியும், நமது பகிரப்பட்ட ஜனநாயக விழுமியங்களிலும், நமது மக்களுக்கு இடையேயான நெருங்கிய உறவுகளிலும் உறுதியாக வேரூன்றியிருக்கும் நமது நீடித்த கூட்டாண்மையின் பலத்தை பிரதிபலிக்கிறது,” என்றும் திஸாநாயக்க மேலும் தெரிவித்தார்.
