முப்பது ஆண்டுகளுக்கு முன்பு இதே நாளில், கிரிக்கெட் உலகம் அதுவரை பார்த்திராத ஒரு விசித்திரமான காட்சியைக் கண்டது. தென்னாப்பிரிக்காவிலிருந்து வந்த ஒரு இளம் இடதுகை சுழற்பந்து வீச்சாளர், விவரிக்க முடியாத அளவுக்கு மிகவும் வித்தியாசமான பந்துவீச்சு முறையுடன் (Bowling Action) களமிறங்கினார். அது விரைவில் “மிக்ஸியில் விழுந்த தவளை” (A frog in a blender) என்ற மறக்க முடியாத அடையாளத்தைப் பெற்றது. அவர்தான் போல்அடம்ஸ் (Paul Adams).
வரலாற்றுச் சாதனை
போர்ட் எலிசபெத்தில் இங்கிலாந்துக்கு எதிரான தனது முதல் டெஸ்ட் போட்டியில் ஆடம்ஸ் களமிறங்கியபோது, அவருக்கு வயது 18 ஆண்டுகள் மற்றும் 340 நாட்கள் மட்டுமே. இதன் மூலம் தென்னாப்பிரிக்காவின் மிக இளம் வயது டெஸ்ட் வீரர் என்ற பெருமையை அவர் பெற்றார். அவருடைய பந்துவீச்சு வெறும் வேடிக்கையாக மட்டுமில்லாமல், மிகவும் சவாலானதாகவும் அமைந்தது.
-
அறிமுகப் போட்டி: 50 ஓவர்களைத் தொடர்ச்சியாக வீசி, அவர் 4 விக்கெட்டுகளைக் கைப்பற்றினார்.
-
வெற்றிக்கு பங்களிப்பு: அடுத்த டெஸ்டில் மேலும் 4 விக்கெட்டுகளை வீழ்த்தி, ஆலன் டொனால்ட் மற்றும் ஷான் பொல்லாக் ஆகியோருடன் இணைந்து தென்னாப்பிரிக்கா தொடரை வெல்ல முக்கிய காரணமாகத் திகழ்ந்தார்.
மர்மமும் வீழ்ச்சியும்
ஒரு குறுகிய காலத்திற்கு, எந்த ஒரு துடுப்பாட்டவீரராலும்தீர்க்க முடியாத ஒரு புதிராகவே ஆடம்ஸ் காணப்பட்டார். ஆனால் கிரிக்கெட் உலகம் விரைவில் தன்னை மாற்றிக்கொண்டது.
-
அவரது வித்தியாசமான பந்துவீச்சு முறை ஏற்படுத்திய அதிர்ச்சி குறைந்தவுடன், அவருக்குப் பின்னால் பெரிய பயம் எதுவுமில்லை என்பதை துடுப்பாட்ட வீரர்கள்
உணர்ந்தனர். -
மெதுவாகவும் அமைதியாகவும் அந்த மர்மம் மறைந்தது; அதோடு அணியில் அவருக்கான இடமும் பறிபோனது.
இருப்பினும், அந்த ஒரு குறுகிய காலக்கட்டத்தில், கிரிக்கெட் விளையாட்டு எப்போதும் எதிர்பாராத ஆச்சரியங்களுக்கு இடமளிக்கும் என்பதை போல்அடம்ஸ் உலகுக்கு நினைவூட்டினார்.
