ஆகஸ்ட் மாதத்தில் பார்க்க வேண்டிய 10 சிறந்த திரைப்படங்கள்: ‘தி டோக் ஸ்டார்ஸ்’ முதல் ‘ஒன் நைட் ஒன்லி’ வரை

வெளியிடப்பட்ட தேதி: ஆகஸ்ட் 1, 2026

ஜேக்கப் எலோர்டி (Jacob Elordi) நடிக்கும் ரிட்லி ஸ்காட்டின் (Ridley Scott) பேரழிவு காலத்திற்குப் பிந்தைய திரில்லர் படம் முதல், கலம் டர்னர் மற்றும் மோனிகா பார்பாரோ நடிக்கும் நியூயோர்க்கை பின்னணியாகக் கொண்ட நகைச்சுவை காதல் படம் வரை, இந்த ஆகஸ்ட் மாதத்தில் திரையரங்குகளிலும் இணையத்திலும் வெளியாகவுள்ள 10 முக்கிய திரைப்படங்கள் இதோ:

1. ஒன் நைட் ஒன்லி (One Night Only)

இயக்கம்: வில் கிளக் (Will Gluck)
நடிப்பு: மோனிகா பார்பாரோ, கலம் டர்னர்
வெளியீட்டு தேதி: ஆகஸ்ட் 7 (அமெரிக்கா/கனடா), ஆகஸ்ட் 28 (பிரித்தானியா/அயர்லாந்து)

நியூயோர்க்கைச் சேர்ந்த இரு இளைஞர்களுக்கிடையிலான காதலை மையமாகக் கொண்ட ஒரு வழக்கமான காதல் பின்னணி திரைப்படமாக இது தோற்றமளித்தாலும், இதன் கதைக் களம் ஒரு விசித்திரமான திருப்பத்தைக் கொண்டுள்ளது. தனிநபர்கள் ஆண்டிற்கு ஒரு இரவு தவிர மற்ற நாட்களில் உடலுறவு கொள்வது சட்டவிரோதமான ஒரு மாற்று உலகில் இக்கதை அமைக்கப்பட்டுள்ளது.

2. ஐஸ் கிரீம் மேன் (Ice Cream Man)

இயக்கம்: ஈலை ரோத் (Eli Roth)
நடிப்பு: ஆரி மில்லன்
வெளியீட்டு தேதி: ஆகஸ்ட் 6 (ஆஸ்திரேலியா/நியூசிலாந்து), ஆகஸ்ட் 7 (அமெரிக்கா, பிரித்தானியா, கனடா, அயர்லாந்து)

‘கேபின் ஃபீவர்’ மற்றும் ‘ஹாஸ்டல்’ படங்களின் இயக்குநர் ஈலை ரோத், மீண்டும் ஒரு திகில் திரைப்படத்துடன் வருகிறார். நகரில் ஐஸ்கிரீம் விற்று, சிறுவர்களை கொடூரமான மனிதர்களாக மாற்றும் ஒரு விசித்திரமான மனிதனின் கதையை இது விவரிக்கிறது.

3. தி டோக் ஸ்டார்ஸ் (The Dog Stars)

இயக்கம்: ரிட்லி ஸ்காட் (Ridley Scott)
நடிப்பு: ஜேக்கப் எலோர்டி, மார்கரெட் குவாலி, ஜோஷ் புரோலின்
வெளியீட்டு தேதி: ஆகஸ்ட் 26 – 28 (சர்வதேச ரீதியாக)

பீட்டர் ஹெல்லரின் நாவலைத் தழுவி உருவாக்கப்பட்டுள்ள இந்தத் திரில்லர் திரைப்படம், எதிர்காலத்தில் ஏற்படும் காய்ச்சல் தொற்றுநோயிலிருந்து தப்பிப்பிழைக்கும் ஒரு விமானி, ஒரு மருத்துவர் மற்றும் முன்னாள் கடற்படை வீரன் ஆகியோரின் போராட்டத்தை மையமாகக் கொண்டுள்ளது.

4. டோனி (Tony)

இயக்கம்: மேட் ஜான்சன் (Matt Johnson)
நடிப்பு: டொமினிக் செஸ்ஸா, அன்டோனியோ பண்டேராஸ், லியோ வுடால், எமிலியா ஜோன்ஸ்
வெளியீட்டு தேதி: ஆகஸ்ட் 7 (அமெரிக்கா), ஆகஸ்ட் 14 (பிரித்தானியா/அயர்லாந்து)

2018 இல் காலமான பிரபல உணவு மற்றும் பயண எழுத்தாளரான அந்தோணி போர்டைனின் (Anthony Bourdain) வாழ்க்கை வரலாற்றுத் திரைப்படமான இது, 1970களின் பாதியில் மாசசூசெட்ஸில் உள்ள உணவகம் ஒன்றில் அவர் பணியாற்றிய ஆரம்பகால வாழ்க்கையை மையமாகக் கொண்டு தயாரிக்கப்பட்டுள்ளது.

5. டீனேஜ் செக்ஸ் அண்ட் டெத் அட் கேம்ப் மியாஸ்மா (Teenage Sex and Death at Camp Miasma)

இயக்கம்: ஜேன் ஷோன்பரன் (Jane Schoenbrun)
நடிப்பு: ஹன்னா எின்பைண்டர், கிலியன் ஆண்டர்சன்
வெளியீட்டு தேதி: ஆகஸ்ட் 7 (அமெரிக்கா/கனடா), ஆகஸ்ட் 21 (பிரித்தானியா)

கேன்ஸ் திரைப்பட விழாவில் (Cannes Film Festival) சிறந்த விமர்சனங்களைப் பெற்ற இந்த திரைப்படம், திகில் பின்னணி கொண்ட ஒரு சர்ரியல் போஸ்ட்மாடர்ன் நகைச்சுவைத் திரைப்படமாகும்.

6. தி எண்ட் ஆஃப் ஓக் ஸ்ட்ரீட் (The End of Oak Street)

இயக்கம்: டேவிட் ராபர்ட் மிட்செல் (David Robert Mitchell)
நடிப்பு: ஆன் ஹாத்வே, இயன் மெக்கிரேகார்
வெளியீட்டு தேதி: ஆகஸ்ட் 12 – 14 (சர்வதேச ரீதியாக)

வழக்கமான புறநகர்ப் பகுதி ஒன்று எதிர்பாராதவிதமாக ஒரு பழமையான வனப்பகுதிக்கு மாற்றப்படும்போது, அங்கு வாழும் குடும்பங்கள் டைனோசர்களிடமிருந்து தங்களை எவ்வாறு பாதுகாத்துக் கொள்கிறார்கள் என்பதை இத்திரைப்படம் விவரிக்கிறது.

7. தி ராங் கேர்ள்ஸ் (The Wrong Girls)

இயக்கம்: டைலன் மேயர் (Dylan Meyer)
நடிப்பு: கிறிஸ்டன் ஸ்டீவர்ட், அலியா ஷவ்காத்
வெளியீட்டு தேதி: ஆகஸ்ட் 14 (அமெரிக்கா)

அதிகளவில் போதைப்பொருளைப் பயன்படுத்திவிட்டு ஆபத்தான குற்ற உலகில் சிக்கிக்கொள்ளும் இரண்டு பெண் நண்பர்களின் கதையை மையமாகக் கொண்ட நகைச்சுவைத் திரைப்படமாகும்.

8. யூனியன் கவுண்டி (Union County)

இயக்கம்: ஆடம் மீக்ஸ் (Adam Meeks)
நடிப்பு: வில் போல்டர், நோவா சென்டினியோ
வெளியீட்டு தேதி: ஆகஸ்ட் 14 (அமெரிக்கா)

ஓஹியோவின் கிராமப்புறத்தில் போதைப்பொருளுக்கு அடிமையான இரண்டு சகோதரர்கள், சிறைக்குச் செல்வதைத் தவிர்க்க போதையிலிருந்து மீண்டு வேலைகளைத் தக்க வைத்துக் கொள்ளப் போராடும் யதார்த்தமான கதைக் களத்தைக் கொண்டது.

9. கொயோட்டி எதிர் அக்மி (Coyote vs Acme)

திரைக்கதை: சாமி பர்ச் (Samy Burch)
நடிப்பு: வில் ஃபோர்ட்டே
வெளியீட்டு தேதி: ஆகஸ்ட் 20 – 28 (சர்வதேச ரீதியாக)

நேரடி நடிகர்கள் மற்றும் 2D அனிமேஷன் கதாபாத்திரங்களின் கலவையில் உருவாக்கப்பட்ட இத்திரைப்படம், ‘லூனி டூன்ஸ்’ (Looney Tunes) கதாபாத்திரங்களான வைல் ஈ கொயோட்டி மற்றும் ரோட்ரன்னரை மையமாகக் கொண்டது. மூன்று ஆண்டுகளுக்கு முன்பு தயாரிக்கப்பட்டு நிறுத்தப்பட்ட இத்திரைப்படம் தற்போது சுயாதீன நிறுவனம் மூலம் திரைக்கு வருகிறது.

10. தி மேஜிக் ஃபாரவே ட்ரீ (The Magic Faraway Tree)

திரைக்கதை: சைமன் ஃபர்னபி (Simon Farnaby)
நடிப்பு: கிளலேர் ஃபோய், ஆண்ட்ரூ கார்பீல்ட், நிக்கோலா கோக்லான், ரெபெக்கா பெர்குசன்
வெளியீட்டு தேதி: ஆகஸ்ட் 21 (அமெரிக்கா/கனடா)

எனீட் பிளைட்டனின் (Enid Blyton) புகழ்பெற்ற சிறார் நாவலை அடிப்படையாகக் கொண்டு உருவாக்கப்பட்டுள்ள இத்திரைப்படம், இணையப் பயன்பாட்டிலிருந்து விலகி கிராமப்புறத்திற்குச் செல்லும் குழந்தைகள், மாயாஜால மரம் ஒன்றின் மூலம் வேறு உலகங்களுக்குப் பயணம் செய்வதை விவரிக்கிறது.