சவுதிஅரேபிய தலைநகர் ரியாத்தில் விமானநிலையத்தின் மீது நடத்தப்பட்ட தாக்குதலில் 12 பேர் கொல்லப்பட்டுள்ளதுடன் 350க்கும் அதிகமானவர்கள் காயமடைந்துள்ளனர்.
சவுதிஅரேபியா பங்களாதேஷ் அமெரிக்கா ஜோர்தான் சூடான் எகிப்து சிரியா ஆகிய நாடுகளை சேர்ந்தவர்கள் கொல்லப்பட்டுள்ளனர். பாலஸ்தீனியர் ஒருவரும் உயிரிழந்துள்ளார்.தாக்குதலை தொடர்ந்து சவுதி அரேபியாவின் கிங்காலித் விமானநிலைய நடவடிக்கைகள் அனைத்தும் இடைநிறுத்தப்பட்டுள்ளன.
காயமடைந்த சிலரின் நிலை ஆபத்தானதாக உள்ளது விமானநிலையத்திற்கு ஏற்பட்டுள்ள சேதங்களை மதிப்பிட்டு வருகின்றோம் என சவுதிஅரேபிய அதிகாரிகள் தெரிவித்துள்ளனர்.
நாங்கள் உள்நாட்டுமுனையத்திலிருந்தவேளை கேட் 401 தாக்குதலிற்குள்ளானது,என் கண்முன்னால் பலர் காயமடைந்தனர் அங்கிருந்து தப்பியோடினார்கள் என பயணியொருவர் தெரிவித்துள்ளார்.விமானநிலையத்திலிருந்து பல அம்புலன்ஸ்கள் வெளியேறுவதை பார்த்ததாக ஒருவர் ரொய்ட்டருக்கு தெரிவித்துள்ளார்.
யேமனில் உள்ள சவுதி அரேபியா தலைமையிலான இராணுவகூட்டணி இதனை இனப்படுகொலை என கண்டித்துள்ளதுடன் கடும் பதிலடி குறித்து எச்சரித்துள்ளது.
கடந்த ஒரு வாரகாலமாக சவுதிஅரேபிய விமானநிலையங்களை இலக்குவைத்து ஹெளத்தி கிளர்ச்சியாளர்கள் தாக்குதலை மேற்கொண்டு வருகின்றமை குறிப்பிடத்தக்கது.
