சிறைத்தண்டனை அனுபவிக்கும் பௌத்தமதகுருமாரை சிறைச்சாலைக்கு வெளியே காவியுடையுடன் அழைத்து செல்ல அனுமதிக்கும் புதிய சிறைச்சாலை விதிகளை அரசாங்கம் இரண்டு வாரங்களுக்கும் அறிமுகப்படு;த்தவுள்ளது.
சிறைத்தண்டனையை அனுபவி;க்கும் பௌத்தமதகுரு எந்த நிக்காயாவை சேர்ந்தவரோ அந்த நிக்காயாவின் பரிந்துரையுடன் அவரை சிறைச்சாலைக்கு வெளியே சீருடையுடன் அழைத்து செல்வதற்கு அனுமதிக்கும் புதிய விதிகளை அரசாங்கம் அறிமுகப்படுத்தவுள்ளது.
ஞானசார தேரரின் துறவறஆடை களையப்பட்டதால் எழுந்த சர்ச்சையை தொடர்ந்து ஜனாதிபதிக்கும் பௌத்தமத தலைவர்களுக்கும் இடையில் இடம்பெற்ற சந்திப்பை தொடர்ந்தே இது தொடர்பில் தீர்மானிக்கப்பட்டதாக ஜனாதிபதி ஊடக பிரிவு தெரிவித்துள்ளது.
இந்த சந்திப்பின்போது 1877ம் ஆண்டின் சிறைச்சாலை கட்டளைச்சட்டத்தில் பௌத்த துறவிகளுக்கு விசேட ஏற்பாடுகள் எதுவும் இல்லை எனவும் சிறைச்சாலை அதிகாரிகள் சட்டத்திற்கு உட்பட்டே செயற்பட்டனர் எனவும் ஜனாதிபதி தெரிவித்திருந்தார்.
ஜனாதிபதி அனுரகுமார திசநாயக்க தற்போதுள்ள சட்டங்களை மீறி உத்தரவுகளை பிறப்பிக்கப்போவதில்லை,சட்டவிதிகளை திருத்துவதே பொருத்தமான தீர்வாகும் என குறிப்பிட்டிருந்தார்.
