அரசாங்கம் ஒடுக்குமுறை பயங்கரவாத எதிர்ப்பு சட்டங்களை அறிமுகப்படுத்தினால் ஜிஎஸ்பி பிளஸ் வரிச்சலுகையை இழக்கவேண்டிய நிலையேற்படலாம் என எதிர்கட்சி தலைவர் சஜித் பிரேமதாச எச்சரித்துள்ளார்
எதிர்கட்சி தலைவர் மேலும் குறிப்பிட்டுள்ளதாவது
விசேட அறிக்கையொன்றில் இதனை தெரிவித்துள்ள எதிர்கட்சி தலைவர் மேலும் குறிப்பிட்டுள்ளதாவது
பொதுமக்களின் எதிர்ப்பை ஒடுக்குவதற்கும் அளிக்கப்பட்ட வாக்குறுதிகள் நிறைவேற்றப்படாமையை மூடி மறைப்பதற்கும் அனுரகுமாரதிசநாயக்க அரசாங்கம் கடுமையான சட்டங்களை அறிமுகப்படுத்த முயல்கின்றது.
ஐரோப்பிய ஒன்றியம் பயங்கரவாத சட்டத்தினை அதற்கு பதிலான கடுமையான சட்டத்தின் மூலம் மாற்றீடு செய்வதை விட பயங்கரவாத தடைச்சட்டத்தினை முழுமையாக நீக்குமாறும் மனித உரிமைகள் ஜனநாயக பாதுகாப்புகள் ஆகியவற்றை வலுப்படுத்துமாறும் வேண்டுகோள் விடுத்துள்ளது.
இவ்வாறான சட்டங்களை அறிமுகப்படுத்துவதனால் இலங்கை ஏற்றுமதியாளர்களுக்கு ஐரோப்பிய சந்தைகளுக்கு விசேட சலுகைகளை வழங்கும் ஜிஎஸ்பி பிளஸ் வரிச்சலுகையை இலங்கை இழக்கநேரிடலாம்.
உத்தேச சட்டங்கள் சிவில் அரசியல் மனித உரிமைகளை பலவீனப்படுத்தும் அதேவேளை யார் பயங்கரவாதி என தீர்மானிப்பதற்கு அரசாங்கத்திற்கு அதிக அதிகாரங்களை வழங்குகின்றன என அவர் தெரிவித்துள்ளார்.
