ரம்பேவ மதவாச்சி வீதியில் இன்று காலை இடம்பெற்ற பேருந்து விபத்தில் 76 பேர் காயமடைந்துள்ளனர் என தெரிவித்துள்ள அமைச்சரவை பேச்சாளர் இவர்கள் அப்பகுதிகளில் உள்ள பல மருத்துவமனைகளில் அனுமதிக்கப்பட்டுள்ளதாக தெரிவித்துள்ளார்
அமைச்சரவை பேச்சாளர் மேலும் தெரிவித்துள்ளதாவது
மூன்று பேருந்துகள் மோதிவிபத்துக்குள்ளானதில் 76 பேர் காயமடைந்துள்ளனர்.
இவர்களில் 61பேர் அனுராதபுரம் மருத்துவமனையில் அனுமதிக்கப்பட்டுள்ளனர்,அவர்களி
தலையில் ஏற்பட் காயங்கள் காரணமாக சிலர் தீவிரகண்காணிப்பின் கீழ் வைக்கப்பட்டுள்ளனர்,மூவருக்கு எம்ஆர்ஐ பரிசோதனைகள் மேற்கொள்ளப்பட்டுள்ளன.
அதிதீவிரசிகிச்சை பிரிவில் எவரும் அனுமதிக்கப்படவில்லை மருத்துவமனையில் சேர்க்கப்பட்ட பின்னர் எவரும் உயிரிழக்கவில்லை.மேலும் நோயாளிகள் எவரையும் கொழும்பு வைத்தியசாலைக்கு மாற்றவேண்டிய தேவையுமில்லை.
காயமடைந்த 25 பேர் மதவாச்சி மருத்துவமனையில் அனுமதிக்கப்பட்ட நிலையில் அவர்களில் பத்து பேர் பின்னர் அனுராதபுரம் மருத்துவமனைக்கு மாற்றப்பட்டனர்.விபத்தினை தொடர்ந்து ரம்பேவ மருத்துவமனையில் அனுமதிக்கப்பட்டவர்களும் பின்னர் அனுராதபுரம் மருத்துவமனைக்கு மாற்றப்படட்டனர்.
விபத்து காரணமாக நால்வர் உயிரிழந்துள்ளனர்,காயமடைந்தவர்
இதேவேளை இன்று காலை மிகிந்தல பொலிஸ் நிலையத்திற்கு உட்பட்;ட ரம்பேவ வெலிஓயா சந்தியில் இடம்பெற்ற விபத்தில் மூன்று ஆண்கள் உட்பட நால்வர் உயிரிழந்துள்ளதாக பொலிஸார் தெரிவித்துள்ளனர்.
வவுனியாவிலிருந்து ரம்பேவ பயணித்த இலங்கை அரச போக்குவரத்து சேவைக்கு சொந்தமான பேருந்து அதேதிசையில் பயணித்த தனியார் பேருந்து ஒன்றை முந்திச்செல்ல முற்பட்டவேளையே இந்த விபத்து இடம்பெற்றது என தெரிவித்துள்ள பொலிஸார் முந்திச்செல்ல முற்பட்ட வேளை இலங்கை அரசபோக்குவரத்து சேவைக்கு சொந்தமான பேருந்து மற்றுமொரு அரசசேவைக்கு சொந்தமான பேருந்துடன் நேருக்கு நேர் மோதியுள்ளது தனியார் பேருந்தும் விபத்தில் சிக்கியுள்ளது என குறிப்பிட்டுள்ளனர்.
