செம்மணி மனிதப் புதைகுழி விவகாரத்தை மூடி மறைக்கும் தேவையை நிறைவேற்றும் விதமாகவே பேராசிரியர் ராஜ் சோமதேவா  அறிக்கையை வெளியிட்டுள்ளார்.-கஜேந்திரன்

பேராசிரியர் ராஜ்சோமதேவ செம்மணி மனித புதைகுழி தொடர்பாக வெளியிட்ட அறிக்கை இனப்படுகொலை செய்த அரசை பாதுகாக்கும் நோக்கத்துடன் வெளியிடப்பட்ட ஒன்றாகும் என தமிழ்தேசிய மக்கள் முன்னணியின் முன்னாள் நாடாளுமன்ற உறுப்பினர் செல்வராஜா கஜேந்திரன் தெரிவித்தார்.

ராஜ்சோமதேவவின் அறிக்கையை கண்டித்தும் நிராகரித்தும் செவ்வாய்கிழமை இடம்பெற்ற ஆர்ப்பாட்டத்தில் கலந்துகொண்டு கருத்து தெரிவிக்கையில் இதனை குறிப்பிட்ட அவர் மேலும் தெரிவித்துள்ளதாவது

செம்மணி மனிதப் புதைகுழி அகழ்வாராய்ச்சியில் தலைமை வகித்துச் செயல்பட்ட சிங்களப் பேராசிரியரான ராஜ் சோமதேவா, சமீபத்தில் நீதிமன்றத்தில் சமர்ப்பித்த அறிக்கை கடும் சர்ச்சையை ஏற்படுத்தியுள்ளது. மிகப்பெரிய மனித அவலத்தையும், இனப்படுகொலையையும் மூடி மறைக்கும் வகையிலும், இனவாத அடிப்படையிலும் பக்கச்சார்பாக இந்த அறிக்கை வெளியிடப்பட்டுள்ளதாகக் கூறி, அதனைக் கண்டித்து வலிந்து காணாமல் ஆக்கப்பட்டோரின் உறவுகள், சிவில் அமைப்புகள் மற்றும் அரசியல் தரப்பினர் இணைந்து  போராட்டத்தில் ஈடுபட்டனர். இந்தப் போராட்டத்தின் முடிவில், பேராசிரியரின் அறிக்கையின் நகல்களும் அவரது கொடும்பாவியும் பொதுமக்களால் எரியூட்டப்பட்டன.

தமிழ் தேசிய மக்கள் முன்னணி என்ற அரசியல் இயக்கமாக நாங்களும் இந்த அறிக்கையை முற்றிலுமாக நிராகரிக்கிறோம். இது முழுமையாக இனப்படுகொலை செய்த அரசைப் பாதுகாக்கும் நோக்கத்துடன் வெளியிடப்பட்ட ஒரு அறிக்கையாகும். குறிப்பாக, ஜனாதிபதி அனுரகுமார திசாநாயக்க அனைத்து மக்களுக்கும் பொதுவானவர் என்றும், சட்டத்தை அனைவருக்கும் சமமாக நடைமுறைப்படுத்துவேன் என்றும் கூறித் தமிழ் மக்களை ஏமாற்றி வருகிறார். அதேவேளையில், தென்பகுதி சிங்கள மக்கள் மத்தியில், போர் குற்றங்கள் தொடர்பில் எந்தவொரு ராணுவ சிப்பாயையும் தான் நீதிமன்றத்தின் முன் நிறுத்த மாட்டேன் என்று அவர் வாக்குறுதி அளித்திருந்தார்.

சிங்கள மக்களுக்கு வழங்கிய அந்த வாக்குறுதியைக் காப்பாற்றுவதற்காக, செம்மணி மனிதப் புதைகுழி விவகாரத்தை மூடி மறைக்கும் தேவையை நிறைவேற்றும் விதமாகவே பேராசிரியர் ராஜ் சோமதேவா இந்த அறிக்கையை வெளியிட்டுள்ளார். நாட்டின் எந்தவொரு பெரும்பான்மை இன ஆட்சியாளரின் கீழும் தமிழ் மக்களுக்கு நீதி கிடைக்கப் போவதில்லை என்பதையும், உள்ளக விசாரணை மூலம் நீதி கிடைக்காது என்பதையும் இந்தச் சம்பவம் மீண்டும் நிரூபித்துள்ளது. யார் ஆட்சியில் இருந்தாலும், சுயாதீனமானவர்கள் எனக் கூறப்படும் சிங்களப் புத்திஜீவிகள் கூட சுதந்திரமாகச் செயல்பட மாட்டார்கள் என்பதற்கு இந்த அறிக்கை மிகச் சிறந்த சான்றாகும். அனுரகுமார அரசாங்கத்தின் தேவைகளை நிறைவு செய்வதற்காக, அரசாங்கத்தின் செல்வாக்கைப் பயன்படுத்தி இவர் இவ்வாறான உண்மைக்குப் புறம்பான அறிக்கையை வெளியிட்டுள்ளார் என்பதே எமது கருத்தாகும்.

இன்று அனுரகுமார திசாநாயக்க தென்பகுதியில் ஊழல் செய்த ஆட்சியாளர்களைத் தண்டிப்பதாகப் பல நடவடிக்கைகளை எடுத்தாலும், தமிழ் மக்கள் மீது இனப்படுகொலை செய்தவர்களை  பாதுகாக்கவே அவர் முற்படுகிறார். இனப்படுகொலையில் ஈடுபட்ட இராணுவத்தினரையும், அதற்குக் கட்டளையிட்ட ஆட்சியாளர்களையும் பாதுகாப்பதற்கே அவர் தயாராக இருக்கிறார்

ஆகவே, இந்த அறிக்கையை நாங்கள் முற்றிலுமாக நிராகரிப்பதுடன், செம்மணி விவகாரம் தொடர்பாக முழுமையான சர்வதேச குற்றவியல் விசாரணையை ஐக்கிய நாடுகள் சபை உடனடியாக நடத்த முன்வர வேண்டும் என கேட்டுக்கொள்கிறோம்.

Facebook
Twitter
LinkedIn
WhatsApp

Leave a Reply

Your email address will not be published. Required fields are marked *

Recent Post

namal courts
எயார்பஸ் (Airbus) வழக்கில் நாமல் ராஜபக்ஷவுக்கு பிணை மறுப்பு; டிசம்பர் 2 வரை விளக்கமறியல் நீடிப்பு
1000018452-533x400
முன்மொழியப்பட்டுள்ள பயங்கரவாத எதிர்ப்புச் சட்டங்களுக்கு எதிராக பாரிய போராட்டங்கள் நடத்தப்படும் என செயற்பாட்டாளர்கள் எச்சரிக்கை
rohinya1
ரோஹிங்யாமக்களுக்கு எதிராக 'இனப்படுகொலை நோக்குடன்' மியன்மார் செயல்பட்டது: சர்வதேச நீதிமன்றம் தீர்ப்பு
court-judge-hammer-gavel-696x398
2008-ஆம் ஆண்டு மட்டக்களப்பு கடத்தல் மற்றும் கொலை வழக்கு: ஈ.பி.டி.பி உறுப்பினர்கள் எண்மருக்கு மரண தண்டனை
maveerar thu1
எந்தத் தடைகள் ஏற்படுத்தப்பட்டாலும் சாட்டியில் வழமை போன்று மாவீரர் நாள் அனுஷ்டிக்கப்படும்..! ஏற்பாட்டாளர்கள் உறுதி
sajith ff
அரசாங்கம் தற்போது தொழில்சங்க தலைவர்களை இலக்குவைத்து செயற்படுகின்றது – நாடாளுமன்றத்தில் எதிர்கட்சியினரின் உரிமைகள் மறுக்கப்படுகின்றன- சஜித்
monks fight
அழிவின் தீப்பிழம்புகள்: இலங்கையை மீண்டும் எரிப்பதற்கு முன் அந்தத் தீப்பொறியை அணைத்திடுங்கள்
JAGATH WI
தேசிய மக்கள் சக்தி அரசாங்கத்தின் ஊழல் எதிர்ப்பு நம்பகத்தன்மை மீதான கண்காணிப்பு தீவிரமடைந்துள்ள நிலையில், சபாநாயகர் இலஞ்ச ஊழல் ஆணைக்குழுவின் விசாரணைக்கு உள்ளாகியுள்ளார்
gnasa
ஞானசார தேரரின் நான்கு வருட கடுங்காவல் சிறைத்தண்டனையை உறுதி செய்தது நீதிமன்றம்-தீர்ப்பில் நீதியரசர்கள் சுட்டிக்காட்டிய முக்கிய விடயங்கள் என்ன?
gajendran
நினைவேந்தல் நிகழ்வை முன்னெடுத்தமைக்காக செல்வராசா கஜேந்திரனுக்கு பொலிஸ் விசாரணைக்கு அழைப்பு!