வெளிநாட்டு வேலைவாய்ப்பு மோசடியால் பாதிக்க்ப்பட்டவர்கள் அளித்த முறைப்பாட்டினை தொடர்ந்து இருவரை வெளிநாட்டு வேலைவாய்ப்பு பணியகத்தின் விசேட விசாரணை பிரிவினர் கைதுசெய்துள்ளனர்.
கனடா சுவிட்சர்லாந்தில் வேலைவாய்ப்பு என தெரிவித்து பலரிடமிருந்து 69 மில்லியன் ரூபாய்களிற்கு மேல் பெற்று மோசடி செய்த இருவரே கைதுசெய்யப்பட்டுள்ளனர்.
கனடா பண்ணைகளில் வேலைபெற்று தருவதாக தெரிவித்து காலி நிக்கவரெட்டியாவை சேர்ந்த நால்வரிடம் பணத்தை பெற்ற வரக்காலபொலவை சேர்ந்த ஓய்வுபெற் எஸ்டேட் முகாமையாளர் கைதுசெய்யப்பட்டுள்ளார்.இவர் தலா நால்வரிடம் 13 மில்லியனை பெற்றுள்ளார், ஆனால் உறுதியளித்தபடி வேலைவாய்ப்பை வழங்கவில்லை.
முறைப்பாட்டின் அடிப்படையில் இந்த நபர் அவரது வீட்டில்வைத்து கைதுசெய்யப்பட்டார். அவரிடமிருந்து சைப்பிரஸில் வேலைவாய்ப்பு தொடர்பான கைச்சாத்திடப்பட்ட ஆவணங்களும் கைப்பற்றப்பட்டன . இதற்காக இவர் நபர் ஒருவரிடமிருந்து 75000 பணத்தை பெற்றுள்ளார்.
இதேவேளை சுவிட்சர்லாந்தில் வேலை பெற்றுதருவதாக தெரிவித்து நபர் ஒருவரிடமிருந்து பெற்று மோசடி செய்த கொழும்பின் பிரபல மருத்துவமனையொன்றின் பணியாளரான பெண் ஒருவர் கைதுசெய்யப்பட்டுள்ளார்.கைதுசெய்யப்படுவதிலிருந்து பலமுறை தப்பியவர் இவர் என தகவல்கள் வெளியாகியுள்ளன.
