வடக்கு மாகாண நீர்ப்பாசனக் குளங்களின் தற்போதைய நிலை தொடர்பான விவரங்கள் வடக்கு மாகாண நீர்ப்பாசனத் திணைக்களப் பணிப்பாளர் பொறியியலாளர் திரு. த.இராஜகோபுவினால் வெளியிடப்பட்டுள்ளது.
வடக்கு மாகாணத்திலுள்ள 54 பாரிய மற்றும் நடுத்தர நீர்ப்பாசனக் குளங்களின் இன்றைய (27.11.2025) நிலவரம் தொடர்பான அறிக்கையை வெளியிட்ட மாகாணப் பணிப்பாளர் வடக்கு மாகாணத்தின் சில பகுதிகளில் பெய்த கனமழையினால் 13 நடுத்தர குளங்கள் வான் பாய்கின்ற போதிலும்இ மாகாணத்திலுள்ள பாரிய நீர்ப்பாசனக் குளங்களில் தற்போதைக்கு எவ்வித ஆபத்து நிலைகளும் கண்டறியப்படவில்லை என தெரிவித்துள்ளார்.
மழைவீழ்ச்சி நிலவரம் (26.11.2025 காலை 7 மணி முதல் 27.11.2025 காலை 7 மணி வரை): கடந்த 24 மணித்தியாலங்களில் வவுனியா மாவட்டத்தில் அதிகூடிய மழைவீழ்ச்சி பதிவாகியுள்ளது.
வவுனியா நிலையம்: 165 மி.மீ
சேமமடு நிலையம்: 151 மி.மீ
தண்ணிமுறிப்பு நிலையம்: 125 மி.மீ
அதேவேளைஇ யாழ்ப்பாணம் மற்றும் தொண்டமானாறு பகுதிகளில் மிகக் குறைந்தளவான மழைவீழ்ச்சியே பதிவாகியுள்ளது.
குளங்களின் நீர்மட்டம் மற்றும் கொள்ளளவு விபரம்: வடக்கு மாகாணத்திலுள்ள 54 பாரிய மற்றும் நடுத்தர குளங்களில்:
13 குளங்கள் வான் பாய்கின்றன.
08 குளங்கள் 75வீதம் – 100வீதம் வரை நிரம்பியுள்ளன.
12 குளங்கள் 50வீதம் – 74 வீதம்வரை நிரம்பியுள்ளன.
19 குளங்கள் 50வீதத்திற்கு இற்கு குறைவாகவே நிரம்பியுள்ளன.
முக்கிய பாரிய குளங்களின் நீர்மட்டம்: பிரதான குளங்களின் நீர்மட்டம் தற்போது பாதுகாப்பான அளவிலேயே உள்ளது:
இரணைமடு குளம்: 21′ 11″ (35.22 வீதம்கொள்ளளவு)
வவுனிக்குளம்: 15′ 09″ (34வீதம் கொள்ளளவு)
முத்தையன்கட்டு குளம்: 14′ 03″ (40வீத கொள்ளளவு)
சில பகுதிகளில் கணிசமான மழை பெய்துள்ளதால் நீர் மட்டம் உயர்வடைந்துள்ளது. எவ்வாறாயினும் எந்தவொரு நீர்த்தேக்கத்திலோ அல்லது நீர்ப்பாசனத் திட்டங்களிலோ தற்போதைக்கு எவ்வித ஆபத்துகளும் (சுளைம) அடையாளம் காணப்படவில்லை. குளங்களின் பாதுகாப்பை உறுதி செய்வதற்காக தொடர்ச்சியான கண்காணிப்பு நடவடிக்கைகள் மேற்கொள்ளப்பட்டு வருவதாக மாகாண நீர்ப்பாசனப் பணிப்பாளர் மேலும் தெரிவித்தார்.
