ஈரானிய மகளிர் கால்பந்து அணியின் மேலும் 3 வீராங்கனைகள் தாயகம் திரும்ப முடிவு; ஆஸ்திரேலியாவில் புகலிடம் பெற மறுப்பு
ஆஸ்திரேலியாவில் தங்குவதற்கு அகதி விசாக்களைப் பெற்ற ஈரானிய மகளிர் கால்பந்து அணியின் மேலும் மூன்று வீராங்கனைகள், மீண்டும் தங்கள் தாயகத்திற்குத் திரும்ப முடிவு செய்துள்ளதாக ஆஸ்திரேலிய அரசாங்க அமைச்சர் ஞாயிற்றுக்கிழமை தெரிவித்தார்.
இதன் மூலம், ஆஸ்திரேலியாவில் புகலிடம் கோரிய ஆரம்பகால ஏழு வீராங்கனைகளில், தற்போது மூவர் மட்டுமே அங்கு தங்கியுள்ளனர்.
“நேற்றிரவு, ஈரானிய மகளிர் கால்பந்து அணியின் மூன்று உறுப்பினர்கள், ஈரானுக்குத் திரும்பும் ஏனைய அணியினருடன் சேர முடிவு செய்தனர்,” என்று ஆஸ்திரேலிய உள்துறை அமைச்சர் டோனி பர்க் (Tony Burke) ஒரு அறிக்கையில் தெரிவித்துள்ளார்.
“வீராங்கனைகள் இந்த முடிவை ஆஸ்திரேலிய அதிகாரிகளிடம் தெரிவித்த பிறகு, அவர்கள் அங்கு தங்குவதற்கான வாய்ப்புகள் குறித்து மீண்டும் ஆலோசிக்க பலமுறை அவகாசம் வழங்கப்பட்டது,” என்றும் பர்க் மேலும் கூறினார்.
மத்திய கிழக்கில் பிப்ரவரி 28 அன்று போர் தொடங்குவதற்கு முன்னதாக, கடந்த மாதம் ஆசியக் கோப்பை மகளிர் கால்பந்து போட்டியில் பங்கேற்பதற்காக ஈரான் அணி ஆஸ்திரேலியாவிற்கு வருகை தந்திருந்தது குறிப்பிடத்தக்கது
