மத்திய கிழக்கின் பாதுகாப்பு நிலைமை மோசமடைந்து வருவதன் காரணமாக, ரியாத் மற்றும் டுபாய்க்கான தனது விமான சேவைகளை இடைநிறுத்துவதாக எயார் பிரான்ஸ் (Air France) நிறுவனம் திங்கள்கிழமை அறிவித்துள்ளது.
சவூதி அரேபியாவின் ரியாக் நகரிற்கான மற்றும் அங்கிருந்தான விமான சேவைகளை ஜூலை 25 வரையிலும், ஐக்கிய அரபு அமீரகத்தின் டுபாய் நகரிற்கான மற்றும் அங்கிருந்தான சேவைகளை ஜூலை 28 வரையிலும் இடைநிறுத்துவதாக அந்த விமான நிறுவனம் தெரிவித்துள்ளது. மேலும், கடந்த மார்ச் 1 ஆம் திகதியிலிருந்து இடைநிறுத்தப்பட்டிருந்த பெய்ரூட்டுக்கான விமான சேவைகளின் இடைநிறுத்தத்தை ஓகஸ்ட் 2 ஆம் திகதி வரை நீடித்துள்ளதாகவும் குறிப்பிடப்பட்டுள்ளது.
பாதுகாப்பு சூழ்நிலை “வேகமாக உருவெடுத்து வரும்” நிலையில், அது குறித்தான மீளாய்வின் அடிப்படையில் மட்டுமே விமான சேவைகள் மீண்டும் தொடங்குவது தீர்மானிக்கப்படும் என எயார் பிரான்ஸ் கூறியுள்ளது. “வாடிக்கையாளர்கள் மற்றும் ஊழியர்களின் பாதுகாப்பே தமது முதன்மை முன்னுரிமை என்பதை எயார் பிரான்ஸ் மீண்டும் வலியுறுத்துகிறது” என்றும் அது மேலும் சேர்த்துக் கொண்டது.
ஈரானுடனான பதற்றம் தீவிரமடைந்து வரும் நிலையில், அப்பகுதிக்கு மேலும் போர் விமானங்களை அமெரிக்கா அனுப்பி வைப்பதாக அறிவித்த பின்னணியிலேயே இந்நடவடிக்கை எடுக்கப்பட்டுள்ளது.
ஈரானுக்கு எதிரான அமெரிக்க போருக்கு மத்தியில், அமெரிக்கா, கனடா, ஜேர்மனி, ஹாங்காங், சிங்கப்பூர் மற்றும் ஐக்கிய இராச்சியம் உள்ளிட்ட பல நாடுகளைச் சேர்ந்த சர்வதேச விமான நிறுவனங்கள் ஏற்கனவே மத்திய கிழக்கு நாடுகளுக்கான தமது விமான சேவைகளை இடைநிறுத்தியுள்ளமை குறிப்பிடத்தக்கது.
READ MORE
மத்திய கிழக்கு விமானச் சேவைகள்: சர்வதேச விமான நிறுவனங்களின் தற்போதைய நிலைவரம்
