ஒழுங்கமைக்கப்பட்ட குற்றங்கள் சட்டமூலத்தில் திருத்தங்களை மேற்கொள்ள அரசாங்கம் தீர்மானம்- சட்டமா அதிபர்

ஒழுங்கமைக்கப்பட்ட குற்றங்கள் சட்டமூலத்தில் திருத்தங்களை மேற்கொள்வதற்கு தீர்மானித்துள்ளதாக அரசாங்கம் தெரிவித்துள்ளது.
சட்டமா அதிபர் நீதிமன்றத்திற்கு தெரிவித்துள்ளார். நாடாளுமன்றத்தின் குழுநிலை விவாதத்தின் போது இந்த திருத்தங்களை மேற்கொள்ளவுள்ளதாக அவர் தெரிவித்துள்ளார்.
உத்தேச சட்டமூலங்களுக்கு எதிரான மனுக்களை உயர்நீதிமன்றம் இன்று விவாதத்திற்கு எடுத்துக்கொண்டவேளையே அவர் இதனை தெரிவித்துள்ளார்.பிரதமநீதிபதி தலைமையிலான மூவர் கொண்ட நீதிபதிகள் குழாம் இந்த மனுக்களை விசாரணை செய்கின்றது.
ஒழுங்கமைக்கப்பட்ட குற்றங்கள் சட்டமூலத்தில் காணப்படும் சில பிரிவுகள் அரசமைப்பிற்கு முரணாணவை என தெரிவித்து இந்த சட்டமூலத்திற்கு எதிராக இலங்கை சட்டத்தரணிகள் சங்கம் உட்பட பலர் மனுத்தாக்கல் செய்துள்ளமை குறிப்பிடத்தக்கது.