சிறைத்தண்டனை அனுபவித்துவரும் பொதுபல சேனாவின் ஞானசார தேரரை துறவற ஆடையில் நீதிமன்றத்தில் ஆஜர்படுத்தவேண்டும் என கோரும் மனுவொன்று நீதிமன்றத்தில் தாக்கல் செய்யப்பட்டுள்ளது.
கலாநிதி பிஏ இரத்தினபால என்பவர் இந்த மனுவை தாக்கல் செய்துள்ளார்.தாக்கல் செய்யப்பட்டுள்ள மனு விசாரணைக்கு எடுத்துக்கொள்ளப்பட்டு இறுதி தீர்மானம் எட்டப்படும்வரை ஞானசாரதேரரை சாதாரண உடையிலோ அல்லது சிறை ஆடையிலோ விலங்கிடப்பட்ட நிலையிலோ ஊடகங்கள் மற்றும் பொதுமக்கள் முன்னிலையில் ஆஜர்படுத்துவதை தவிர்க்கவேண்டும் என அவர் வேண்டுகோள் விடுத்துள்ளார்.
மேலும் சிறைச்சாலை விதிகளின் கீழ் அனுமதிக்கப்பட்ட எல்லைகளுக்கு அப்பாற்பட்டு ஞானசாரதேரரை புகைப்படங்கள் அல்லது வீடியோக்கள் எடுப்பதற்கும் அவற்றை பரப்புவதற்கும் பரிமாறிக்கொள்வதற்கும் தடை விதிக்கவேண்டும் என அவர் அந்த மனுவில் வேண்டுகோள் விடுத்துள்ளார்.
