ஞானசார தேரருக்குக் காவி உடை வழங்குவதற்கு வசதி செய்யுமாறு மகாநாயக்க தேரர் கோரிக்கை
சிறையில் அடைக்கப்பட்டுள்ள வணக்கத்திற்குரிய கலகொடஅத்தே ஞானசார தேரர் மீண்டும் தனது காவி உடைகளை (பிச்சாடைகளை) அணிவதற்குத் தேவையான ஏற்பாடுகளைச் செய்து தருமாறு சியாம் மகா நிகாயவின் கோட்டே ஸ்ரீ கல்யாணி சாமக்ரி தர்ம மகா சங்க சபையின் தலைமைப் பீடாதிபதி வணக்கத்திற்குரிய இத்தேபான தம்மாலங்கார தேரர், சிறைச்சாலைகள் ஆணையாளர் நாயகத்திடம் கோரிக்கை விடுத்துள்ளார்.
சிறைச்சாலைகள் ஆணையாளர் நாயகத்திற்கு அனுப்பியுள்ள கடிதத்தில், இந்த நடைமுறையானது பௌத்த கோட்பாடுகள் மற்றும் துறவற ஒழுக்க விதிகளுக்கு அமைவாக முன்னெடுக்கப்பட வேண்டும் என மகாநாயக்க தேரர் குறிப்பிட்டுள்ளார்.
அதன்படி, தேவையான மதச் சடங்குகளை நடத்துவதற்கு விரைவில் ஒரு திகதியையும் நேரத்தையும் ஒதுக்கித் தருமாறு அவர் கோரியுள்ளார்.
மேலும், இந்த நோக்கத்திற்காகத் தாமும் உட்பட சங்க சபையின் பத்து பிரதிநிதிகள் அடங்கிய குழுவொன்று சிறைச்சாலைக்கு விஜயம் செய்ய உத்தேசித்துள்ளதாகக் மகாநாயக்க தேரர் சிறைச்சாலை அதிகாரிகளுக்குத் தெரிவித்துள்ளார்.
அக்குழுவின் விஜயத்திற்கான தேவையான ஏற்பாடுகளையும் வசதிகளையும் செய்து தருமாறும், அது குறித்துத் தனக்கு அறிவிக்குமாறும் அவர் சிறைச்சாலைகள் ஆணையாளர் நாயகத்தைக் கேட்டுக்கொண்டுள்ளார்.
