அரசாங்கத்தின் 2026ம் ஆண்டிற்கான வரவுசெலவுதிட்டத்தினை வரவேற்றுள்ள கூட்டு ஆடை சங்க மன்றம் The Joint Apparel Association Forum (JAAF)வரவுசெலவுதிட்டத்தில் ஏற்றுமதியை அடிப்படையாக கொண்ட முதலீடு,பேரினப்பொருளியல் ஸ்திரதன்மை ஆகியவற்றிற்கு அரசாங்கம் முக்கியத்துவம் வழங்கியுள்ளதையும் வரவேற்றுள்ளது.
இலங்கை பொருளாதாரத்தின் வெளிநாட்டு ஏற்றுமதி துறையை வலுப்படுத்துவதை முதலீட்டாளர்களின நம்பிக்கையை வலுப்படுத்துவதை வரவேற்பதாக தெரிவித்துள்ள ஆடை தொழில்துறை அமைப்பு அதேவேளை உத்வேகத்தை தக்கவைப்பதற்கு சீர்திருத்தங்களை தொடர்ந்து முன்னெடுக்கவேண்டும் என தெரிவிப்பதாகவும் குறிப்பிட்டுள்ளது.
இலங்கையின் மிகப்பெரிய ஏற்றுமதி வருமானத்தை உழைக்கும் துறையான ஆடைஏற்றுமதி தொழில்துறை டிஜிட்டல் மயமாக்கல்,வர்த்தக வசதிகள் மீதான புதுப்பிக்கப்பட்ட கவனம்,அதிகரித்தமூலதன கொடுப்பனவுகள் ஆகியவற்றை போட்டித்தன்மையை மேம்படுத்தவும்,மிகவும் அவசியமான வெளிநாட்டு முதலீட்டாளர்களை கவருவதற்கான சாதகமான நடவடிக்கையாகவும் கருதுவதாக தெரிவித்துள்ளது.
எனினும் இந்த முன்மொழிவுகளை உறுதியான நடவடிக்கைகளாக மாற்றுவதற்கு கொள்கை செயற்படுத்தலும் தொடர்ச்சியும் மிக முக்கியம் என ஆடைதொழில்துறை அமைப்பு தெரிவித்துள்ளது.
