2026 வரவுசெலவுதிட்டத்தில் அதிகளவு நிதி ஒதுக்கீடுகளை பெற்றுக்கொண்ட அமைச்சுக்களில் ஒன்றாக பாதுகாப்பு அமைச்சு தொடர்ந்தும் நீடிக்கின்றது.
2026 இல் பாதுகாப்பு அமைச்சிற்கு 455 பில்லியன் ஒதுக்கப்பட்டுள்ளது.2-25 இல் 424 பில்லியன் ஒதுக்கப்பட்டது.
யுத்தம் முடிவடைந்து 16 வருடங்களின் பின்னரும் தேசிய வரவுசெலவுதிட்டத்தில் அதிகளவு ஒதுக்கீடுகளை பாதுகாப்பு அமைச்சு தொடர்ந்தும் பெற்றுவருகின்றது.
இதற்கு மாறாக கல்வி அமைச்சிற்கு 301 பில்லியனே ஒதுக்கப்பட்டுள்ளது,சுகாதார அமைச்சிற்கும் ஊடக துறைக்கும் 555 பில்லியன் ஒதுக்கப்பட்டுள்ளது.
முல்லைத்தீவில் இரண்டு பேருக்கு ஒரு இராணுவம் என்ற அடிப்படையில் இராணுவம் தொடர்ந்தும் நிலைகொண்டுள்ளது.
இலங்கையின் 20 இராணுவதலைமையங்களில் 16 வடக்குகிழக்கில் காணப்படுகின்றன.
இந்த பிராந்தியங்களில் இராணுவம் பாடசாலைகள் மருத்துவமனைகள் ஹோட்டல்கள் உணவகங்கள் சலூன்கள் செங்கள் தயாரிக்கும் தொழிற்சாலைகள் போன்றவற்றை நடத்துகின்றது.வர்த்தகத்தில் ஈடுபட்டுள்ளது.
பொதுமக்களிற்கு சொந்தமான பலவந்தமாக ஆக்கிரமிக்கப்பட்ட நிலங்களில் இராணுவம் விவசாயம் செய்கின்றது.
தொடர்ந்தும் வருடத்திற்கு வருடம் இராணுவத்திற்கு பெருமளவு நிதியை ஒதுக்குவது இராணுவமயப்படுத்தல் இல்லையா?
யுத்தம் இல்லாத சூழலில் தேசிய வரவு செலவுதிட்டத்தின் பத்துவீதத்தினை பாதுகாப்பு அமைச்சிற்கு ஒதுக்குவது கல்வி சுகாதாரம் ஆகியவற்றை இராணுவத்தை தொடர்ந்தும் தக்கவைத்துக்கொள்வதற்கு முன்னுரிமையளிக்கப்படுகின்றது என்பதை புலப்படுத்துகின்றது.
