இலங்கையின் மருந்து விநியோகத் துறையில் குறிப்பிடத்தக்க மாற்றத்தைக் குறிக்கும் வகையில் 350 வகையான மருந்துகளுக்கு கடுமையான விலைக் கட்டுப்பாடுகள் மற்றும் ஒழுங்குமுறைகளை விதிக்க இலங்கையின் சுகாதார
அமைச்சுநடவடிக்கை எடுத்துள்ளதாக அமைச்சர் நளிந்த ஜெயதிஸ்ஸ தெரிவித்தார்.
நியாயமான விலையை உறுதி செய்வதையும் நுகர்வோருக்கு மலிவு விலையை மேம்படுத்துவதையும் நோக்கமாகக் கொண்டு இந்த நடவடிக்கை எடுக்கப்பட்டுள்ளதாகக் குறிப்பிட்ட அவர் இந்த முடிவு சந்தையில் தற்போது கிடைக்கும் பல மருந்துகளின் விலைகளில் கணிசமான குறைப்புக்கு வழிவகுக்கும் என்றும் கூறினார்.
விலைக் கட்டுப்பாட்டு வழிமுறை நியாயமற்ற லாப வரம்புகளைக் கட்டுப்படுத்தவும் தன்னிச்சையான விலை உயர்வுகளைத் தடுக்கவும் உதவும் என்றும் அத்தியாவசிய மருந்துகள் பொதுமக்களுக்கு பெறக்கூடியதாகயிருப்பதை உறுதி செய்வதற்காக மருந்து வர்த்தகத்தின் மேற்பார்வையை வலுப்படுத்தும் என்றும் அமைச்சர் கூறினார்.
