நாட்டில் நிலவும் சீரற்ற காலநிலை காரணமாக உயிரிழப்புகள் ஏற்படுவதை தடுப்பதற்கும்பொதுமக்களிற்கு உதவிகளை வழங்குவதற்கும் நாடாளுமன்ற உறுப்பினர்கள் தங்கள் பிரதேசங்களில் உடனடியாக செயலில் இறங்கவேண்டும் என ஜனாதிபதி அனுரகுமாரதிசநாயக்க வேண்டுகோள் விடுத்துள்ளார்.
எதிர்வரும் நாட்களில் மழை மேலும் தீவிரமடையலாம் ஆபத்தான நிலையேற்படலாம் என்ற எச்சரிக்கைகளிற்கு மத்தியில் ஜனாதிபதி இந்த வேண்டுகோளை விடுத்துள்ளார்.
நாட்டில் உருவாகியுள்ள அவசரபேரிடர் நிலைமை குறித்தும் நிவாரணங்கள் குறித்தும் ஆராய்வதற்காக நாடாளுமன்றத்தில் இன்று இடம்பெற்ற விசேட கூட்டத்தின் போது ஜனாதிபதி இந்த வேண்டுகோளை விடுத்துள்ளார்.
நாடாளுமன்ற உறுப்பினர்கள் தங்கள் மாவட்டங்களிற்கு விஜயம் மேற்கொண்டு பாதிக்கப்பட்டவர்களின் நிலைமை குறித்து கவனம் செலுத்தவேண்டும் என வேண்டுகோள் விடுத்துள்ள ஜனாதிபதி அரசாங்க எதிர்கட்சி நாடாளுமன்ற உறுப்பினர்கள் மாவட்டஒருங்கிணைப்பு குழு கூட்டங்களை கூட்டவேண்டும்,இந்த குழுக்கள் தங்கள் பகுதிகளில் தற்போதுள்ள நிலைமை எதிர்கால ஆபத்துக்கள் குறித்து மதிப்பிடவேண்டும் என பணிப்புரை விடுத்துள்ளார்
