ஊவா பரணகமவில் உள்ள மாஸ்பன்னா கிராம மக்களை உயிருடன் புதைத்திருக்கக்கூடிய ஒரு பெரிய நிலச்சரிவு வரவிருப்பதை ஒரு செல்லப்பிராணி நாய் எச்சரித்து எதிர்பாராத விதமாக 14 உயிர்களைக் காப்பாற்றியது.
‘சுட்டி’ என்று பெயரிடப்பட்ட அந்த நாய் நவம்பர் 27 அன்று பலத்த மழை பெய்தபோதுவீட்டிற்கு வெளியே இருந்தது. அதன் அதனை வளர்ப்பவரும் குடும்ப உறுப்பினர்களும் சமையலறையில் இருந்தனர். அப்போது திடீரென மின்சாரம் துண்டிக்கப்பட்டதைப் பற்றியும் நிலச்சரிவுகளால் கிராமத்திற்குச் செல்லும் அனைத்து சாலைகளும் துண்டிக்கப்பட்டதைப் பற்றியும் அவர்கள் பேசிக்கொண்டிருந்தனர்.
அந்தக் கணத்தில்நாயின் குரைப்பு இயல்புக்கு மாறாக மாறியதுடன் அதன் முன் கால்களால் சமையலறை கதவை மீண்டும் மீண்டும் இடித்து அதன் நடத்தையிலும் மாற்றம் தெரிந்தது.
அதனை வளர்ப்பவர் ஓய்வுபெற்ற வனத்துறையின் அதிகாரியுமான டி.எம். தென்னகோன் ( நாய் குளிரால் பாதிக்கப்பட்டிருக்கலாம் என்று நினைத்துஅதை வீட்டிற்குள் அழைத்துச் செல்ல முயற்சித்தார்.
“ஆனால் அந்த நாய் உள்ளே வர மறுத்ததுடன் யாரோ ஊடுருவியவரைப் ) பார்த்து குரைப்பதைப் போல வீட்டிலிருந்து ஓடியது. திடீரென வீட்டின் பின்னால் இருந்த மலை சரியத் தொடங்குவதையும் கற்கள் கொட்டுவதையும் நான் கேட்டேன். வீடு விரைவில் நிலச்சரிவில் சிக்கும் என்பதை நான் உணர்ந்தேன்” என்று அவர் கூறினார்.
உடனே தனது மனைவியுடனும் மாமியாருடனும் வீட்டை விட்டு வெளியே ஓடி மலை சரியத் தொடங்குகிறது என்று சத்தம் போட்டதாகவும் அவர் கூறினார். அவரது எச்சரிக்கையைக் கேட்டு அண்டை வீட்டார் 11 பேர் தங்கள் உயிரைக் காப்பாற்றிக் கொண்டனர்.
மலையிலிருந்து கீழே வந்த மண்ணின் அடியில் சில கடைகள் ஒரு பேருந்து நிறுத்தம் மற்றும் பேருந்துகள் புதைந்து போனதாகவும் திரு. தென்னகோன் மேலும் கூறினார்.
“மாஸ்பன்னா அஞ்சலகம் 13 கடைகள் மற்றும் நான்கு பேருந்துகள் நிலச்சரிவில் புதைந்து போயின. எங்கள் நாய் மட்டும் இல்லையென்றால் 11 அண்டை வீட்டாருடன் நாங்களும் மூன்று பேரும் மண்ணின் அடியில் புதைந்திருப்போம். சுட்டி ஆபத்தை உணர்ந்து எங்களைக் காப்பாற்றியது” என்று அவர் கூறினார்.
