குளிர்காலத்தை முன்னிட்டு போலந்திலிருந்து இலங்கைக்கான முதலாவது விமானம் நேற்றிரவு (23) பண்டாரநாயக்க சர்வதேச விமான நிலையத்தில் (BIA) தரையிறங்கியது.
‘ஸ்மார்ட் விங்ஸ்’ (Smart Wings) ஏர்லைன்ஸ் நிறுவனத்தினால் இயக்கப்படும் இந்த விமானம், போலந்தின் வார்சா நகலிலிருந்து புறப்பட்டு இரவு 10:10 மணியளவில் பி.ஐ.ஏ விமான நிலையத்தை வந்தடைந்தது.
இந்த ஆரம்பகட்ட விமானப் பயணத்திற்காக போயிங் 737 ரக விமானம் பயன்படுத்தப்பட்டதுடன், இதில் 180 பயணிகள் மற்றும் 9 பணியாளர்கள் வருகை தந்திருந்தனர்.
இதற்கமைய, போலந்து ஸ்மார்ட் விங்ஸ் விமானங்கள் மார்ச் 15, 2026 வரை வார்சாவிலிருந்து கொழும்புக்கு வாரந்தோறும் செவ்வாய்க்கிழமைகளில் இயக்கப்படவுள்ளன.
இந்த விமானங்களின் மூலம் வருகை தரும் பயணிகள் இலங்கையின் கடலோரப் பகுதிகள், சிகிரியா, தம்புள்ளை, கண்டி, நுவரெலியா மற்றும் யால உள்ளிட்ட சுற்றுலாத் தலங்களுக்குச் செல்வார்கள் என்று எதிர்பார்க்கப்படுகிறது.
வருகை தந்த போலந்து சுற்றுலாப் பயணிகளை இலங்கை சுற்றுலா ஊக்குவிப்புப் பணியகத்தின் அதிகாரிகள் பண்டாரநாயக்க சர்வதேச விமான நிலையத்தில் வரவேற்றனர்.
