வங்கக் கடலில் நிலைகொண்டுள்ள ஆழ்கடல் காற்றழுத்தத் தாழ்வு மண்டலத்தின் நகர்வில் மாற்றம் ஏற்பட்டுள்ளதாக வளிமண்டலவியல் திணைக்களத்தின் அண்மைக்கால முன்னறிவிப்புகள் தெரிவிப்பதாக தேசிய கட்டிட ஆராய்ச்சி நிறுவனம் (NBRO) அறிவித்துள்ளது.
இன்று காலை 08.00 மணிக்கு வெளியிடப்பட்ட சமீபத்திய முன்னறிவிப்பின்படி, முன்னதாக எச்சரிக்கை விடுக்கப்பட்டிருந்த மத்திய மலைநாட்டுப் பகுதிகளில் எதிர்பார்க்கப்பட்ட பலத்த மழைவீழ்ச்சியின் தாக்கம் குறைந்துள்ளது.
தற்போதைய ஆலோசனையின்படி, அந்தப் பகுதிகளில் வசிக்கும் பொதுமக்கள் வெளியேற வேண்டிய அவசியம் இல்லை என அறிவுறுத்தப்படுகிறார்கள்.
வானிலை மாற்றங்களை தாங்கள் தொடர்ந்து உன்னிப்பாகக் கண்காணித்து வருவதாகவும், தேவைக்கேற்ப வழிகாட்டல்களை வழங்குவதாகவும் NBRO மேலும் தெரிவித்துள்ளது.
பொதுமக்கள் விழிப்புடன் இருக்குமாறும், சமீபத்திய வானிலை அறிவிப்புகளைப் பின்பற்றுமாறும் கேட்டுக்கொள்ளப்படுகிறார்கள்.
