2026 பெப்ரவரி 03 |
புதிய நிறுவனம் ஒன்றிற்கு தரம் குறைந்த நிலக்கரியை வழங்க இடமளிக்கும் வகையில் அரசாங்கம் செயற்பட்டுள்ளதாகவும், தேசப்பற்றுள்ள அரசாங்கம் என கூறிக்கொள்ளும் அரசாங்கம் இவ்வாறுதான் நடந்துகொள்கிறதா என களுத்துறை மாவட்ட நாடாளுமன்ற உறுப்பினர் அஜித் பி. பெரேரா (SJB) நாடாளுமன்றத்தில் தெரிவித்தார்.
“வளங்களைப் பகிர்ந்து கொள்ளும் கொள்கையை ஏற்றுக்கொண்டு அரசாங்கம் முன்வைத்துள்ள ஒழுங்குவிதிகளுக்கு எமது ஆதரவை வழங்குகிறோம். ஸ்ரீ லங்கா டெலிகொம் (SLT) நிறுவனம் ஒரு தனியார் நிறுவனத்திடம் கையளிக்கப்படுவதற்கு அல்லது கையகப்படுத்தப்படுவதற்கு இடமளிக்கும் வேலைத்திட்டம் ஒன்று முன்னெடுக்கப்படுவதாக ஊழியர்கள் மத்தியில் சந்தேகம் எழுந்துள்ளது.
நுரைச்சோலை நிலக்கரி மின் உற்பத்தி நிலையத்திற்காக 2022-2025 காலப்பகுதிக்குரிய நிலக்கரி கொள்வனவு தொடர்பான கொள்முதல் செயல்முறையை (Procurement process) மதிப்பீடு செய்வதற்காக தேசிய தணிக்கை அலுவலகம் விசேட தணிக்கை அறிக்கை ஒன்றை வெளியிட்டுள்ளது.
ஒரு கொள்முதல் செயல்முறையின் போது பின்பற்ற வேண்டிய விடயங்கள் அதில் குறிப்பிடப்பட்டுள்ளன. தரமான நிலக்கரியை வழங்கக்கூடிய பல நிறுவனங்கள் உலகில் உள்ளன. அவ்வாறிருக்கையில், புதிய நிறுவனம் ஒன்றிற்கு தரம் குறைந்த நிலக்கரியை வழங்க இடமளிக்கும் வகையில் அரசாங்கம் செயற்பட்டுள்ளது. தேசப்பற்றுள்ள அரசாங்கம் என்று கூறிக்கொள்ளும் நீங்கள் எவ்வாறு இவ்வாறு நடந்துகொள்கிறீர்கள்?”
எனஅவர் தெரிவித்தார்
