அபுதாபியில் உள்ள அல்-சலாம் (Al-Salam) கடற்படைத்தளத்தை இலக்குவைத்து ஈரான் இரண்டு ஆளில்லா விமான தாக்குதல்களை மேற்கொண்டுள்ளது
இந்தத் தாக்குதலால் பொதுப் பொருட்களைக் சேமித்து வைத்திருந்த இரண்டு கொள்கலன்களில் (Containers) தீ விபத்து ஏற்பட்டது. இருப்பினும், இதில் உயிர்ச்சேதம் ஏதும் ஏற்படவில்லை . இந்தச் செயலை “வெளிப்படையான ஆக்கிரமிப்பு” என்றும், “தேசிய இறையாண்மை மற்றும் சர்வதேச சட்டத்தை அப்பட்டமாக மீறும் செயல்” என்றும் ஐக்கிய அரபு அமீரக பாதுகாப்பு அமைச்சகம் வன்மையாகக் கண்டித்துள்ளது.
ஈரானிய அரசு ஊடகங்கள் அபுதாபியில் உள்ள ராணுவத் தளம் மீது குறைந்தது இரண்டு தாக்குதல்கள் நடத்தப்பட்டதாகத் தெரிவித்துள்ளன, ஆனால் அதற்கான காரணத்தைக் குறிப்பிடவில்லை. சனிக்கிழமை மோதல் தொடங்கியதிலிருந்து இதுவரை 167 ஏவுகணைகள் மற்றும் 541 ஈரானிய ட்ரோன்களைத் தடுத்து கையாண்டுள்ளதாக அமீரகம் ஏற்கனவே தெரிவித்திருந்தது குறிப்பிடத்தக்கது.
