அமெரிக்காவின் கடற்படை முற்றுகை தொடர்ந்தால் வளைகுடா, செங்கடல் மற்றும் ஓமன் வளைகுடாவில் கப்பல் போக்குவரத்திற்கு ஈரான் அச்சுறுத்தல்

கோன்சே ஹபிபியாசாத் (Ghoncheh Habibiazad) மூத்த செய்தியாளர், பிபிசி பெர்ஷியன்

ஈரானின் ஆயுதப் படைகளை ஒருங்கிணைக்கும் மிக உயர்ந்த செயல்பாட்டுத் தலைமையகமான ‘காதம் அல்-அன்பியா’ (Khatam al-Anbiya) மத்திய தலைமையகத்தின் தளபதி அலி அப்துல்லாஹி ஒரு எச்சரிக்கையை விடுத்துள்ளார்.

அமெரிக்கா தனது முற்றுகையைத் தொடர்ந்து, “ஈரானின் வணிகக் கப்பல்கள் மற்றும் எண்ணெய்  கப்பல்களுக்குபாதுகாப்பற்ற சூழலை” உருவாக்கினால், அது “போர்நிறுத்த ஒப்பந்தத்தை மீறுவதற்கான ஆரம்பமாக” அமையும் என்று அவர் கூறியுள்ளார்.

இதன் விளைவாக, ஈரானிய ஆயுதப் படைகள் “பாரசீக வளைகுடா (Persian Gulf), ஓமன் கடல் (Sea of Oman) மற்றும் செங்கடல் (Red Sea)” ஆகியவற்றின் வழியாக எவ்வித ஏற்றுமதி அல்லது இறக்குமதியையும் தொடர அனுமதிக்காது என்றும் அப்துல்லாஹி மேலும் தெரிவித்துள்ளார்.

அவர் குறிப்பிட்ட இந்தப் பகுதிகள் ஒரு பரந்த பரப்பளவைக் கொண்டவை என்றாலும், எந்தெந்த நாடுகளின் ஏற்றுமதி மற்றும் இறக்குமதிகள் பாதிக்கப்படும் என்பதை அவர் விரிவாகக் குறிப்பிடவில்லை.

பின்னணி:

• அமெரிக்க முற்றுகை: ஈரானியத் துறைமுகங்கள் மீதான அமெரிக்காவின் முற்றுகை கடந்த திங்கள்கிழமை தொடங்கியது. முதல் 24 மணிநேரத்தில் “எந்தக் கப்பலும் முற்றுகையைத் தாண்டிச் செல்லவில்லை” என்றும், ஓமன் வளைகுடாவில் ஆறு வணிகக் கப்பல்கள் திருப்பி விடப்பட்டதாகவும் அமெரிக்க ராணுவம் புதன்கிழமை தெரிவித்துள்ளது.

• போர்நிறுத்தம்: ஈரான், அமெரிக்கா மற்றும் இஸ்ரேல் இடையே சுமார் ஆறு வாரங்களாக நடந்த மோதலுக்குப் பிறகு, ஏப்ரல் 8-ஆம் தேதி போர்நிறுத்தம் அறிவிக்கப்பட்டது. தளபதி அப்துல்லாஹி இதையே தனது உரையில் குறிப்பிட்டுள்ளார்.

• பேச்சுவார்த்தை: ஈரான் மற்றும் அமெரிக்கா இடையிலான முதல் சுற்று பேச்சுவார்த்தைகள் தோல்வியடைந்தன. இருப்பினும், இன்னும் இரண்டு நாட்களில் பேச்சுவார்த்தைகள் மீண்டும் தொடங்கலாம் என்று டொனால்ட் டிரம்ப் கூறியுள்ளார். ஆனால், இதை ஈரான் இதுவரை உறுதிப்படுத்தவில்லை.