செலின்கோ லைஃப் (Ceylinco Life) தனது காப்புறுதிதாரர்களில் (Policyholders) மற்றொரு குழுவினருக்கு மறக்க முடியாத வெளிநாட்டு அனுபவத்தை வழங்கியுள்ளது. நிறுவனத்தின் 19 ஆவது ‘பேமிலி சவாரி’ (Family Savari) மெகா விளம்பரத் திட்டத்தின் கீழ் 10 குடும்பங்களுக்கு மலேசியாவிற்கு அனைத்துச் செலவுகளும் ஏற்கப்பட்ட சுற்றுப்பயணத்தை வழங்கியுள்ளது.
வெற்றி பெற்ற குடும்பங்களைச் சேர்ந்த மொத்தம் 40 பங்கேற்பாளர்கள், பெற்றோர் மற்றும் குழந்தைகள் இருவருக்குமே ஒரு மறக்க முடியாத கூட்டு அனுபவத்தை உருவாக்கும் வகையில், சின்னச் சின்ன இடங்கள், ஓய்வு மற்றும் பொழுதுபோக்குகளை உள்ளடக்கிய கவனமாக திட்டமிடப்பட்ட பயணத்திட்டத்தின் மூலம் உபசரிக்கப்பட்டனர்.
இந்தப் பயணம் கோலாலம்பூரின் விரிவான ஆய்வை உள்ளடக்கியதாக அமைந்ததோடு, மலேசியாவின் தலைநகரை வெற்றியாளர்களுக்கு வண்ணமயமாக அறிமுகப்படுத்தியது. உலகப் புகழ்பெற்ற ‘பெட்ரோனாஸ் இரட்டை கோபுரங்கள்’ (Petronas Twin Towers) மற்றும் ‘அக்வாரியா கே.எல்.சி.சி’ (Aquaria KLCC) ஆகியவற்றிற்கான விஜயங்கள் மற்றும் ‘கே.எல்.சி.சி லேக் சிம்பொனி’யில் (KLCC Lake Symphony) கழித்த ஒரு மாலைப் பொழுது ஆகியவை இதன் சிறப்பம்சங்களில் அடங்கும். அங்கு இக்குழுவினர் இசையமைக்கப்பட்ட கண்கவர் நீர் ஊற்று அமைப்பைக் கண்டு களித்தனர்.
உற்சாகத்தையும் சாகசத்தையும் சேர்க்கும் வகையில், இக்குடும்பங்கள் புகழ்பெற்ற ‘கெந்திங் ஹைலேண்ட்ஸ்’ (Genting Highlands) பகுதிக்குக் கேபிள் கார் (Cable car) மூலம் இயற்கை எழிலார்ந்த பயணத்தை மேற்கொண்டு, அப்பாந்தியத்தின் முதன்மைப் பொழுதுபோக்கு மையங்களில் ஒன்றான ‘கெந்திங் ஸ்கைவேர்ல்ட்ஸ் தீம் பார்க்’கில் (Genting SkyWorlds Theme Park) ஒரு முழு நாளப் பொழுதைக் கழித்தனர்.
இச்சுற்றுப்பயணம் முழுவதிலும் செலின்கோ லைஃபின் ‘பேமிலி சவாரி’ பிராண்ட் தூதர்களான ரொஷான், குஷ்லானி மற்றும் மின்னெத் ரணவன ஆகியோர் குழுவினருடன் இணைந்து பயணித்ததுடன், குடும்பங்களுடன் அன்பாகப் பழகி, பயணத்தின் கொண்டாட்ட மனநிலையை மேலும் அதிகரித்தனர்.
இச்சுற்றுப்பயணத்தின் அனைத்துச் செலவுகளையும் செலின்கோ லைஃப் ஏற்ற்றுக்கொண்டது. இது சாதாரண நன்மைகளுக்கும் அப்பால் அர்த்தமுள்ள மற்றும் மறக்க முடியாத அனுபவங்கள் மூலம் வாடிக்கையாளர்களின் விசுவாசத்திற்குப் பலனளிப்பதற்கான நிறுவனத்தின் தொடர்ச்சியான அர்ப்பணிப்பைப் பிரதிபலிக்கிறது.
