சவுதிஅரேபியாவிற்கான இலங்கை தூதுவர் ஓஎல் அமீர் அஜ்வாத் தமாம் மத்திய சிறைக்கு சென்று அனோஜன் சிவராஜாவை பார்வையிட்டுள்ளார்.
எதிர்வரும் நீதிமன்ற நடவடிக்கைகளுக்கு முன்னதாக அனோஜனிற்கு தூதரக மற்றும் சட்ட உதவிகள் கிடைக்கின்றதா என்பது குறித்து தூதுவர் அனோஜனிடம் கேட்டறிந்துள்ளார்.
அனோஜனிற்கு எதிர்கொள்ளவுள்ள சட்டநடவடிக்கைகள் மற்றும் நீதித்துறை செயற்பாடுகள் குறித்து தெளிவுபடுத்துவதே இந்த உரையாடலின் நோக்கமாகயிருந்தது என தெரிவித்துள்ள சவுதிஅரேபியாவிற்கான இலங்கை தூதரகம் தூதுவர் தொடர்ந்தும் தூதரக உதவிகளை வழங்குவது நீதிமன்ற நடவடிக்கைகளின் போது உரிய சட்டஉதவிகளை வழங்குவது குறித்த தூதரகத்தின் அர்ப்பணிப்பை மீள உறுதிப்படுத்தியுள்ளார் என தெரிவித்துள்ளது.
சவுதி அரேபியாவின் நீதித்துறையின் சுயாதீனம் மற்றும் உரிய நடைமுறைகளை மதிக்கவேண்டிய அதேவேளை அனைத்து உரிய உதவிகளும் வழங்கப்படுவதை உறுதி செய்வதற்காக அனோஜனின் சட்டத்தரணிகளுக்கும் தூதரகத்திற்கும் இடையில் நெருங்கிய ஒருங்கிணைப்பு காணப்படவேண்டியதன் அவசியத்தையும் தூதுவர் வலியுறுத்தியுள்ளார்.
சிறைச்சாலைக்கான விஜயத்தின் சிறைச்சாலை அதிகாரிகளை சந்தித்த தூதுவர் தூதரகத்துடன் நெருங்கிய ஒத்துழைப்பை பேணுவதற்காகவும் அனோஜனின் நலன்களில் தொடர்ந்தும் கவனம் எடுப்பதற்காகவும் அவர்களுக்கு நன்றியை தெரிவித்துள்ளார்.
