ஐக்கிய மக்கள் சக்தி நாடாளுமன்ற உறுப்பினர்நளின்பண்டார அனுமதி ஏதுமின்றி நாட்டுக்குள் ட்ரோன்களை இறக்குமதி செய்தது தொடர்பாக மேலதிக விசாரணைகளை முன்னெடுக்குமாறு குற்றப் புலனாய்வுத் திணைக்களத்திற்குப் (CID) பணிப்புரை விடுக்கப்பட்டுள்ளது.
பொலிஸ் மா அதிபரின் (IGP) உத்தரவின் பேரில் இந்த முடிவு எடுக்கப்பட்டுள்ளது.
இதனிடையே, சம்பந்தப்பட்ட ட்ரோன்கள் குறித்து பாதுகாப்பு அமைச்சும் மதிப்பீடு ஒன்றை மேற்கொள்ளவுள்ளது.
நாடாளுமன்ற உறுப்பினர் நளின்பண்டாரவினால் நேற்று நாட்டுக்குக் கொண்டுவரப்பட்ட ட்ரோன்களைச் சுங்கப் பிரிவினர் தமது கட்டுப்பாட்டுக்குள் கொண்டுள்ளனர்.
கைப்பற்றப்பட்ட பொருட்களில் 39 ட்ரோன்களும் 16 மைக்குரோபோன்களும் அடங்குகின்றன.
நாடாளுமன்ற உறுப்பினர் நேற்றுப் பிற்பகல் சிங்கப்பூரிலிருந்து கட்டுநாயக்கவில் உள்ள பண்டாரநாயக்க சர்வதேச விமான நிலையத்தை வந்தடைந்தார்.
இத்தகைய பொருட்களை இறக்குமதி செய்வதற்கு இலங்கை தொலைத்தொடர்புகள் ஒழுங்குபடுத்தும் ஆணையத்தின் (TRCSL) மற்றும் பாதுகாப்பு அமைச்சின் அனுமதிகள் இரண்டும் அவசியமாகும்.
சம்பந்தப்பட்ட அதிகாரிகளிடமிருந்து நாடாளுமன்ற உறுப்பினர் நளின்பண்டார தேவையான அனுமதிகளைப் பெற்றவுடன் இந்தப் பொருட்கள் விடுவிக்கப்படும் என்று சுங்கத்துறை அதிகாரிகள் தெரிவித்தனர்.
