சர்வதேச அளவில் மனிதாபிமான நடவடிக்கைகளிற்கான நிதியுதவி குறைவடைந்துள்ளதால் ஆப்கானிஸ்தான் காங்கோ ஜனநாயகக் குடியரசு ஹைட்டி சோமாலியா தெற்கு சூடான் மற்றும் சூடான் ஆகிய நாடுகளில் கிட்டத்தட்ட 14 மில்லியன் மக்கள் கடுமையான பட்டினியால் பாதிக்கப்படும் அபாயம் இருப்பதாக ஐக்கிய நாடுகள் சபையின் உலக உணவுத் திட்டம் புதன்கிழமை எச்சரித்தது.எச்சரித்துள்ளது
உலக உணவுதிட்டத்திற்கு அதிகளவில் நிதி வழங்கும் அமெரிக்கா ஜனாதிபதி டொனால்ட் டிரம்பின் கீழ் அதன் வெளிநாட்டு உதவியைக் குறைத்துள்ளது மேலும் பிற முக்கிய நாடுகளும் வளர்ச்சி மற்றும் மனிதாபிமானமனிதாபிமான உதவிகளிற்கான நிதிகளை குறைத்துள்ளன.
உலகஉணவுதிட்டத்திற்கான நிதியுதவி முன்னர் ஒருபோதும் இல்லாத அளவிற்கு நெருக்கடியை சந்தித்துள்ளது 2024ம் ஆண்டை விட 40 வீதம் குறைவான நிதியே கிடைக்கலாம் என அந்த அமைப்பு தெரிவித்துள்ள்ளது.
ஆபத்தில் உயிர்நாடி என்ற தனது புதிய அறிக்கையில் உணவு உதவிகள் குறைக்கப்பட்டுள்ளதால் 13.7 மில்லியன் மக்கள் நெருக்கடி நிலையிலிருந்து மிகவும் ஆபத்தான நிலைக்கு தள்ளப்படுவார்கள் என உலக உணவுதிட்டம் தெரிவித்துள்ளது.
எங்களிற்கு எவ்வளவு கிடைத்தது என்பதற்கும் எங்களால் எவ்வளவு முடியும் என்பதற்குமான இடைவெளி முன்னர் ஒருபோதும் இவ்வளவு பெரியதாகயிருந்தது இல்லை என தெரிவித்துள்ள உலக உணவுதிட்டம் பட்டினிக்கு எதிரான பல வருட போராட்டத்தின் மூலம் கிடைத்த முன்னேற்றத்தை இழக்கும் நிலையில் உள்ளோம் என தெரிவித்துள்ளது.
