இலங்கையின் தேசிய கிரிக்கெட் அணிக்கான தேர்வு முறையானது வீரர்களின் இனம் அல்லது பிராந்திய பின்னணியை கொண்டது அல்லது என தெரிவித்துள்ள விளையாட்டுத்துறை அமைச்சர் சுனில்குமார கமகே திறமைகளின் அடிப்படையிலேயே வீரர்கள் தெரிவு செய்யப்டுகின்றார்கள் எனவும் தெரிவித்துள்ளார்.
நாடாளுமன்றத்தில் எழுப்பப்பட்ட கேள்விக்கு பதிலளித்துள்ள அமைச்சர் மேலும் தெரிவித்துள்ளதாவது
தேசிய அணிக்கு வீரர்களை தெரிவு செய்வதற்கு சுயாதீனமான தெரிவுக்குழுவே பொறுப்பு.
அணிக்கு ஒரு வீரரை தெரிவு செய்யும்போது தெரிவுக்குழு பல விடயங்களை கருத்தில்கொள்ளும்,இன புவியியல் சார் பின்னணிகளை அடிப்படையாக வைத்து வீரர்களை தெரிவு செய்வதில்லை.
வீரர்களை தெரிவு செய்யும்போது தெரிவுக்குழுவினர் இனம் பிரதேசம் போன்றவற்றை கருத்தில்கொள்வார்கள் என நான் கருதவில்லை.வீரர்களின் திறமையை கருத்தில்கொள்வார்கள்.
விஜயஸ்காந் மிலான் ரத்நாயக்க குறித்த கரிசனையை தெரிவுக்குழுவின் கவனத்தி;ற்கு கொண்டுவருவேன் என அமைச்சர் தெரிவித்தார்.
முன்னதாக கேள்வி எழுப்பிய நாடாளுமன்ற உறுப்பினர் ஒருவர் மிலான் ரத்நாயக்க விஜயகாந் வியாஸ்காந் போன்றவர்கள் திறமையை வெளிப்படுத்துகின்ற போதிலும் அவர்களுக்கு மட்டுப்படுத்தப்பட்ட வாய்ப்பே வழங்கப்படுவதாக தெரிவித்தார்.
ஏன் சில பிரதேசங்களை சேர்ந்த வீரர்களுக்கு அதிக வாய்ப்பு வழங்கப்படுகின்றது என கேள்வி எழுப்பிய அவர் தற்போது பாக்கிஸ்தானிற்கு சுற்றுப்பயணம் மேற்கொண்டுள்ள இலங்கை அணியில் மேல்மாகணம் தென்மாகணத்தை சேர்ந்தவர்களே அதிகம் இடம்பெற்றுள்ளனர் என்றார்.
