பலாங்கொட கஸ்ஸப்ப தேரர் ஐந்து நட்சத்திர ஹோட்டலுக்கு தான் சென்றதை நியாயப்படுத்தியுள்ளதுடன் ஞானசாரதேரரின் விடுதலையை கோரி ஆர்ப்பாட்டத்தில் ஈடுபட்டுள்ள பௌத்தமதகுருமாருக்கு களங்கம் கற்பிக்கும் முயற்சியில் அரசாங்கம் ஈடுபட்டுள்ளதாக தெரிவித்துள்ளார்.
இது குறித்து அவர் மேலும் தெரிவித்துள்ளதாவது
எனது உடல்நிலை பாதிக்கப்பட்டது எனது பக்தர்கள் எனக்கு தங்குமிடத்தையும் மருத்துவசதிகளையும் ஏற்பாடு செய்தார்கள்.
நான் கடும் காய்ச்சலால் பாதிக்கப்;பட்டேன் இதனை தொடர்ந்து ஆதரவாளர்கள் நான் ஆர்ப்பாட்டத்தின் போது தங்குவதற்கான இடங்களை ஏற்பாடு செய்தார்கள்.
எனினும் நான் விகாரமகாதேவி பூங்காவில் ஆர்ப்பாட்டம் இடம்பெறும் பகுதியிலேயே இருக்க விரும்பியதால் அவற்றை நிராகரித்துவிட்டேன்.
எனது பக்தர்கள் கேட்டுக்கொண்டதால் நான் மருத்துவசிகிச்சை வழங்கப்படும் சில இடங்களுக்கு சென்றேன்.
பௌத்தர்கள் பாரம்பரியமாக பௌத்தமதகுருமாருக்கும் விகாரைகளுக்கும் உணவு தங்குமிடம் வாகனம் நிலம் போன்றவற்றை வழங்கிவந்துள்ளனர்.
சிலர் குடிப்பதற்கு நீரை வழங்குவார்கள், ஏனையவர்கள் உணவு தங்குமிடம் கூடாரங்கள் போன்றவற்றை வழங்குவார்கள்,தங்கள் வீடுகளையும் நிலங்களையும் வழங்க முன்வந்த மக்களும் உள்ளனர்.
பௌத்த பாரம்பரியத்தின்படி பக்தர்கள் தங்கள் முழுசொத்துக்களையும் கூட ஏன் கிராமங்களையும் கூட பௌத்தஆலயங்களுக்கும் மதகுருமாருக்கும் எழுதிவைத்துள்ள வரலாறு உள்ள நிலையில் நான் ஹோட்டலுக்கு சென்றதை ஏன் சர்ச்சைக்குரிய விடயமாக மாற்றுகின்றனர்.
பௌத்தமதகுருமாருக்கு உதவிகளை வழங்குபவர்கள் குறித்த தனிப்பட்ட தகவல்களை பகிரங்கப்படுத்துவது கவலையளிக்கின்றது.இது ஒரு பாரதூரமான விடயம் இதனால் சர்வதேச ஹோட்டல்கள் குறித்த பொதுமக்களின் நம்பிக்கைகள் பாதிக்கப்படலாம்.தனிப்பட்ட தகவல்களை பகிரங்கப்படுத்தியவர்களுக்கு எதிராக சட்டநடவடிக்கைகளை எடுப்பது குறித்து ஆலோசனை செய்து வருகின்றோம் என கஸ்ஸப்ப தேரர் தெரிவித்துள்ளா
