இலங்கை புகையிரதசேவையின் 165 கால வரலாற்றில் முதல்தடவையாக புகையிரத திணைக்களத்தின் பல முக்கிய பதவிகளிற்கு பெண்களை உள்வாங்குவதற்கு அமைச்சரவை அனுமதிவழங்கியுள்ளது.
இதுவரை பல முக்கிய பதவிகளிற்கு ஆண்களே நியமிக்கப்பட்டிருந்தனர்.2012 முதல் 2015 வரை புகையிரத சேவையில் மேற்பார்வையாளர் பதவிக்கு பெண்கள் சேர்க்கப்பட்டனர்.
இந்நிலையில் முதல்தடவையாக புகையிரத திணைக்களத்தின் பல முக்கிய பதவிகளிற்கு பெண்களை உள்வாங்குவதற்கு அமைச்சரவை அனுமதி வழங்கியுள்ளதாக அமைச்சரவை பேச்சாளர் நளிந்த ஜெயதிஸ தெரிவித்துள்ளார்.
பாரம்பரியமாக ஆண்களிற்கு ஒதுக்கப்பட்டிருந்த வேலைகளில் பெண்களிற்கு வேலைவாய்ப்பை வழங்குவது என்ற அரசாங்கத்தின் பொருளாதார கொள்கைக்கு ஏற்பவே இந்த முடிவை எடுத்துள்ளதாக அவர் தெரிவித்துள்ளார்.
இதனடிப்படையில் புகையிரத சேவையில் பெண்களிற்கு பல வேலைகளை வழங்குவதற்கான நடவடிக்கை எடுக்கப்பட்டுள்ளது.
