எல்-நினோ காலநிலை மாற்றம் அதனால் பொதுமக்கள் சவால்களை எவ்வாறு எதிர்கொள்வது தொடர்பான விழிப்புணர்வுக் கருத்தரங்கு கிளிநொச்சி மாவட்ட அனர்த்த முகாமைத்துவ நிலையத்தின் ஒழுங்குபடுத்தலில் கிளிநொச்சி பெண்கள் வாழ்வுரிமை சங்கத்தின் இணை அனுசரனையில் இன்றைய தினம் (02.07.2026) மாவட்ட செயலக திறன் விருத்தி பயிற்சி நிலையத்தில் இடம்பெற்றது.
குறித்த கலந்துரையாடலை மாவட்ட அரசாங்க அதிபர் எஸ்.முரளிதரன் அவர்கள் பிரதம அதிதியாக கலந்துகொண்டு ஆரம்பித்து வைத்தார்.
இக் கலந்துரையாடலில் ஏற்படப்போகும் எல்நினோ நிலையை எவ்வாறு எதிர்கொள்வது தொடர்பாக யாழ் பல்கலைக்கழக கலைப்பீட பீடாதிபதி பேராசிரியர் நாகமுத்து பிரதீபராஜா அவர்கள் கலந்து கொண்டு விளக்கமளித்தார்.
குறித்த கலந்துரையாடலில் மாவட்ட அனர்த்த முகாமைத்துவ நிலைய உதவிப்பணிப்பாளர் கே.அழகக்கோன், பெண்கள் வாழ்வுரிமைச்சங்கத்தின் இணைப்பாளர் வல்லிபுரம் வாசுகி, கமக்காரர் அமைப்புக்களின் பிரதிநிதிகள், மீனவசங்க பிரதிநிதிகள், பொலிஸ் உத்தியோகத்தர்கள் என பலர் கலந்து கொண்டனர்.
