கானாவில் தங்கம் கொள்வனவு செய்ய முயன்று தான் ஏமாற்றப்பட்டதாக ஊடகங்களில் வெளியான செய்திகளை நாடாளுமன்ற உறுப்பினர் எம்ஏஎல்எம் ஹிஸ்புல்லா மறுத்துள்ளார்.
இது குறித்து அவரது ஊடகப்பிரிவு தெரிவித்துள்ளது.
கானா ஊடக தகவலை அடிப்படையாக வைத்து பல ஊடகங்கள் நாடாளுமன்ற உறுப்பினர் ஹிஸ்புல்லா கானாவில் தங்கம் கொள்வனவு செய்ய முயன்று ஏமாற்றப்பட்டார் என செய்தி வெளியிட்டுள்ளன.
நாங்கள் இதனை முற்றாக மறுக்கின்றோம்,இந்த தகவல்களில் எந்த உண்மையும் இல்லை.
உண்மையில் ஹிஸ்புல்லா தனது நண்பர்களுடன் வர்த்தக நோக்கங்களிற்காக கானாவிற்கு சென்றார்.
அந்த வேளை சில நபர்கள் மோசடியில் ஈடுபட்டுள்ளதை அவர் அறிந்தார்.
அவர் உடனடியாக இது குறித்து கானாவின் பாதுகாப்பு தரப்பினருக்கு அறிவித்தார்.
இதனை தொடர்ந்து கானா பொலிஸார் மோசடியில் ஈடுபட்ட11 பேரை கைதுசெய்துள்ளனர், இதற்கும் நாடாளுமன்ற உறுப்பினருக்கும் எந்த தொடர்பில்லை.
